ရှန်ချင်းဟန်၏ ကျရှုံးခန်း ၂

နဂါးပြာသည် ရေနဂါး၏ ဦးခေါင်းဆီသို့ ချီတက်နေပြီဖြစ်ကြောင်းမြင်လိုက်ရသောအခါ မီးဖီးနစ်ကလည်း ရပ်တန့်သွားခြင်းအလျင်းမျှမရှိပေ။ ၎င်းသည် ၎င်း၏ မူလစွမ်းအားကို ချက်ချင်းထုတ်လွှတ်ပြီး နောက်သို့ အနီးကပ်လိုက်ခဲ့သည်။ ၎င်း၏ ပြေးနှုန်းသည် နဂါးပြာထက် အဆပေါင်းများစွာ‌ ကျော်လွန်သွားပြီဖြစ်၍ ချက်ချင်းပင် ရှေ့သို့ ရောက်ရှိသွားသည်။ နဂါးပြာကို ကျော်သွားသည့်အခိုက်အတန့်တွင် နဂါးပြာဘက်သို့လှည့်ကာ အော်လိုက်သည်။

“ပြန်လှည့်ပါ ဒါကို ငါ့ကို ကိုင်တွယ်ခွင့်ပေး”

၎င်းသည် ရေနဂါး၏ခေါင်းထဲသို့ ချီတက်ကာ အနီးကပ်ဆုံးအကွာအဝေးတွင် အားပြင်းသောမီးတောက်ပေါက်ကွဲမှုကို ထုတ်လွှတ်ရန်၊ အတွင်းရှိ ဒြပ်စင်အဖြစ်ပြောင်းလဲနေသော ရှန်ချင်းဟန်ကို တွန်းထုတ်ရန် သို့မဟုတ် ပြင်းထန်စွာပျက်စီးစေရန်ပင် အလိုရှိသည်။ နဂါးပြာက သူ မည်သို့လုပ်ရန် ရည်ရွယ်ထားသည်ကိုသိ၍ လိမ္မာပါးနပ်စွာ ဘေးဖယ်နေလိုက်သည်။

ဗွမ်း

ရေသံတစ်ခု ထွက်ပေါ်လာသည်။ ငရဲမီးဖြင့် လွှမ်းခြဒံနေသော မီးဖီးနစ်သည် မီတာတစ်သောင်းရှည်လျားသော ရေနဂါး၏ ဦးခေါင်းနှင့်အရှိန်ပြင်းပြင်း တိုက်မိခဲ့သည်။ ခဏအကြာတွင် မီးဖီးနစ်အနီးတစ်ဝိုက်ရှိ ငရဲမီးက ရုတ်တရက် တောက်လောင်လာကာ အလွန်တောက်ပနေသော မီးတောက်တစ်ခု ထွက်ပေါ်လာသည်။

ဤမီးတောက်က အလွန်ပြင်းထန်သည့်အတိုင်းအတာအထိ တောက်ပလာသောအခါ…

ဘမ်း

မိုးခြိမ်းပေါက်ကွဲသံက တုန်လှုပ်ခြောက်ခြားဖွယ်ကောင်းစွာ ထွက်ပေါ်လာသည်။

ထိုအချိန်တွင် အသံတစ်ခု ထွက်ပေါ်လာသည်။ မီတာတစ်သောင်းရှည်သော ရေနဂါးကြီး၏ ကြီးမားသော ဦးခေါင်းသည် အပြာရောင်မှ ကြက်သွေးရောင်အဖြစ်သို့ပြောင်းလဲသွားကာ မြေပြင်ပေါ်သို့ ကျလာသော မီးတောက်များက မြေကြီးပေါ်တွင် မီးတောင်ပေါက်ကွဲသကဲ့သို့ အပေါက်များကို ချန်ရစ်ခဲ့သည်။ စက္ကန့်အနည်းငယ်အတွင်း၌ပင် ကောင်းကင်တစ်ခုလုံးက မီးပင်လယ်ကြီးဖြစ်သွားသည်။

ထို့နောက် မျက်စိထဲ မြင်နိုင်သမျှ နေရာတိုင်းတွင် မီးတောက်များ လျှံကျနေကာ အရာအားလုံးက မီးခိုးများမှ ပြာများအဖြစ်သို့ ပြောင်းလဲပစ်လိုက်သည်။ မကြာမီတွင် ဤနေရောင်ဖုံးလွှမ်းနေသော မီးခိုးငွေ့များကြားတွင် လှပသောရုပ်ပုံသဏ္ဍာန် တဖြည်းဖြည်း ထွက်ပေါ်လာသည်။ ချောမောလှပသော အမျိုးသမီးတစ်ဦးဖြစ်သည်။ အစပိုင်းတွင် အဆင့်မြင့်သော ရေနေသတ္တဝါများစွာက ကိုးကွယ်သော ကြီးမားသည့်အခွံကြီးထဲတွင် လဲလျောင်းနေသည့်ပုံနှင့်တူသည်။ သို့သော် နှစ်စက္ကန့်မပြည့်မီတွင် မြင်ကွင်းတစ်ခုလုံးက ပြီးပြည့်စုံသော လှည့်ပတ်မှုတစ်ခု ဖြစ်လာခဲ့သည်။ အခွံထဲတွင် သပ်ရပ်စွာ လဲလျောင်းနေသော အမျိုးသမီးသည် ရုတ်တရက် ပြားချပ်ချပ် လဲလျောင်းကာ အသက်မဲ့အလောင်းကောင်အဖြစ်ပြောင်းလဲသွားသည်။ သူမရှေ့တွင် ဒူးထောက်နေသော အဆင့်မြင့် ရေနေသတ္တဝါများ၏ အမူအရာများသည် လေးစားမှုမှ ဝမ်းနည်းခြင်းအဖြစ်သို့ပြောင်းလဲသွားသည်။

အထက်ဖော်ပြပါ မြင်ကွင်းများသည် ဒဏ္ဍာရီအဆင့် ကျွမ်းကျင်သူတစ်ဦးကျဆုံးမှုမှဖြစ်ပေါ်လာသည့် ပုံရိပ်ယောင်တစ်မျိုးဖြစ်သည်။ ထိုအချိန်၌ ဒဏ္ဍာရီအဆင့်ကျွမ်းကျင်သူတစ်ဦးသေဆုံးသွားကြောင်းထင်ရှားသည်။

ဝှစ်

မီးတောက် ပင်လယ်ပြင်ထဲတွင် အနီရောင်တောက်နေသော ပုံသဏ္ဍာန်တစ်ခု ထွက်ပေါ်လာသည်။ ယင်းသည်ကား မီးဖီးနစ်ပင်ဖြစ်သည်။ ယခုအခါတွင် စွမ်းအင်အလွန်အကျွံထုတ်သုံးမှုကြောင့် ၎င်း၏ အတွင်းဝိဉာဥ်စွမ်းအင်များ ကမောက်ကမဖြစ်ကာ မီးတောက်များသည် သိသိသာသာ မှိန်သွားခဲ့သည်။

သို့သော် သူမ မျက်နှာတွင် ကျေနပ်မှုများ အလွန်အမင်းပြည့်ဝနေသည်။ အနီးကပ် မီးတောက်ပေါက်ကွဲခြင်း၏ အကျိုးသက်ရောက်မှုသည် မျှော်လင့်ထားသည်ထက် များစွာ ပိုမိုကောင်းမွန်သည်။ ဒြပ်စင်အဖြစ်ပြောင်းလဲနေသော ရှန်ချင်းဟန်ကို မိမိကိုယ်မိမိ ထွက်လာပြရန် တွန်းအားပေးခြင်းက အောင်မြင်မည်ဟုတွေးထင်ခဲ့သည်။ သို့သော် ဤနည်းက

ရှန်ချင်းဟန်ကို ပြင်းထန်စွာ ဒဏ်ရာရစေခြင်းသည် ကြီးကျယ်သော အောင်မြင်မှုတစ်ခု ဖြစ်ပေသည်။

ယခုမူ ရလဒ်မှာ ရှန်ချင်းဟန်သည် မိုင်တစ်ရာအတွင်း ပေါက်ကွဲကာ ပျောက်ကွယ်သွားခဲ့သည်။ ထိုအချိန်၌ အောက်ရှိ ပင်လယ်ရေမျက်နှဦပြင်တွင် တိုက်ပွဲကိုကြည့်ရှု့နေသော မရေမတွက်နိုင်အောင်များပြားလှသည့် ကမ္ဘာမြေသားများသည် မီတာတစ်သောင်းမျှရှိသော ရေနဂါးကြီးက ဤမျှ ကြီးမားသောမီးတောက်ကြီးကြောင့် ကောင်းကင်၌ လွင့်စင်သွားသည်ကို တွေ့လိုက်ရသဖြင့် ဒဏ္ဍာရီလာကျွမ်းကျင်သူတစ်ဦးကျဆုံးခြင်းကို ညွှန်ပြနေသည့် ပုံရိပ်များနှင့်အတူ ၎င်းတို့သည် ချက်ချင်းပင် စိတ်ပျက်လက်ပျက်ဖြစ်သွားကြရသည်။ မီတာတစ်သောင်းရှည်သော ရေနဂါးကြီးပေါ်လာမှုသည် စစ်မြေပြင်အတွက် ၎င်းတို့အား ကြီးမားသော မျှော်လင့်ချက်ကို ပေးစွမ်းနိုင်ခဲ့သည်။ ယခုမူ မီးက သူမကို ရုတ်တရက် ဖျက်ဆီးပစ်လိုက်သည်ကိုမြင်လိုက်ရသဖြင့် အားလုံးစိတ်ပျက်လက်ပျက်ဖြစ်သွားကြပြန်သည်။ ထိုသူများနှင့်ကွာခြားသည်မှာ ရှန်ချင်းဟန်ကို အလွန်ဂရုစိုက်သော လင်းဇီချန်ဖြစ်သည်။ သူသည် မပြောင်းလဲသော အမူအရာဖြင့် ကောင်းကင်ကို မော့ကြည့်ကာ ငြိမ်သက်စွာ ရပ်နေလိုက်သည်။

အခြားတစ်နေရာတွင် လျို့ချွမ်ဝူနှင့် လော့ချန်းရွှယ်တို့နှင့်အတူထွက်ပြေးစဥ် ယွမ်သုန်ကျီသည် ကောင်းကင်မှ အခြေအနေကို စောင့်ကြည့်နေခဲ့သည်။ ရှန်ချင်းဟန်မှဖွဲ့စည်းထားသော မီတာတစ်ထောင်ရှည်သည့် ရေနဂါးကြီးကို ချက်ချင်း မီးက လောင်မြိုက်စေခဲ့ပြီးနောက် သူမ၏နှလုံးသားသည် လုံးဝနစ်မြုပ်သွားခဲ့သည်။ လော့ချန်းရွှယ်က သူမ၏ စိုးရိမ်သော အမူအရာကိုမြင်၍ ချက်ချင်းပင်ပြောလိုက်သည်။

“ဆရာ စိတ်မပူပါနဲ့ သူအဆင်ပြေမှာပါ”

"အဆင်ပြေမှာလား”

ယွမ်သုန်ကျီသည် အနည်းငယ် မျက်မှောင်ကြုတ်ကာ ရှန်ချင်းဟန်၏ ကျရှံးခြင်းအရိပ်အမြွက်များပေါ်လာမှုကို ကောင်းစွာနားမလည်နိုင်ပေ။

လော့ချန်းရွှယ်က ရှင်းပြသည်။