ဒါဆိုရင်... တကယ်ကို ရင်နာစရာကောင်းလွန်းလိမ့်မယ်

သူ လျှို့ဝှက်ကြံစည်ခဲ့သော်လည်း လော့ကျန့်ရှန်သည် လုံးဝ မမျှော်လင့်ခဲ့ချေ…

သူ့ကို ငါ ဘာလို့ ခုထိ ထိုးထွင်းပြီး မမြင်နိုင်သေးတာလဲ။

လော့ထျန်သည် အာကာသယာဉ် သုံးခုလုံး ပစ်ချခဲ့ပြီး သူ၏ နောက်ကျောဘက်သို့ ပစ်ချခဲ့သော တစ်ခုတွင် ရုပ်သေးရုပ် ပါဝင်လိမ့်မည်ဟု သူ လုံးဝ မတွေးခဲ့ချေ။

ထို့အပြင်...

လော့ကျန့်ရှန်သည် လော့ထျန်က အာကာသယာဉ်ကို သူ့ဆီသို့ မဟုတ်ဘဲ နောက်ဘက်သို့ ဘာကြောင့် ပစ်ချရသည်ကို နားမလည်နိုင်ခဲ့ချေ။

ထို့ပြင် လော့ထျန်ပေါ်ရှိ ဒဏ်ရာများသည် တစ်ခဏအတွင်း ဘယ်လိုလုပ် လုံးဝ ပြန်လည်ကောင်းမွန်သွားရတာလဲ။

လော့ထျန်၏ အတွင်းရှိ နက်နဲ စွမ်းအင်သည် ဘယ်လိုလုပ် ရုတ်တရက် ပြန်လည် ပြည့်သွားရတာလဲ။

အဓိက အချက်တစ်ခု ကျန်နေသေးသည်။

optimus ခေါင်းဆောငါက ထိပ်တန်း တပည့်နှစ်ဦးကို သတ်ပြီးနောက် လော့ထျန်သည် ဘယ်လိုလုပ် ရုတ်တရက် နောက်တစ်ဆင့်သို့ ဖောက်ထွင်းဝင်

ရောက်သွားရတာလဲ။

နက်နဲဆရာ အဆင့် ၄။

ဤသည်မှာ အရမ်းကို စိတ်ပျက်စရာ ကောင်းလှသည်။ သူက လူရောဟုတ်သေးရဲ့လား။ သူသည် ရှစ်ရက်အတွင်း အဆင့် သုံးဆင့်ကို ဆက်တိုက် ဖောက်ထွင်းခဲ့သည်။ ရူးသွပ်မှု စနစ်ဖြင့် ချော်ရည်ပုတ်သင်ကို သတ်ခဲ့သည်။ လော့ချန်းရှန်းကို ချက်ချင်း သတ်ခဲ့သည်။ ပြီးနောက် လက်သီးများဖြင့် ဥပဒေ စီရင်ရေး ခန်းမကို ငရဲသို့ ပို့ခဲ့သည်…

ဤအရာများသည် ဆယ့်ခြောက်နှစ်အရွယ် လူငယ်တစ်ဦး လုပ်နိုင်သည့် အရာများ ဟုတ်ပါရဲ့လား။

ကောင်းပြီ ၎င်းတို့သည် ဖြစ်နိုင်သည်ပဲ ထားပါတော့။ သို့သော် သူ ဘယ်လိုလုပ် မမျှော်လင့်ဘဲ နက်နဲဆရာ အဆင့် ၄ သို့ ရုတ်တရက် ဖောက်ထွင်းဝင်ရောက်သွားရတာလဲ။

အိုး…ဘုရားသခင် မင်းရဲ့ ကိုယ်ပိုင် ပျော်ရွှင်မှုအတွက် ငါ့ရဲ့ ဘဝကို မကစားလို့ မရဘူးလား။

လော့ကျန့်ရှန်သည် သူ လှည့်စားခံလိုက်ရသလို ခံစားလိုက်ရသည်။

သူ လော့ထျန်နှင့် ပတ်သက်သည့် အရာအားလုံးကို လုံးဝ နားလည်ထားသည်ဟု သူ ထင်ခဲ့သော်လည်း ရုတ်တရက် သူ ထိုးထွင်း၍ မမြင်နိုင်သည်ကို တွေ့ရှိခဲ့သည်။ တစ်ကြိမ်ပြီး တစ်ကြိမ်၊ လော့ထျန်သည် သူ၏ တွက်ချက်မှုများကို ကျော်လွန်သွားခဲ့သည်။ ဤကဲ့သို့ ဆက်သွားမည်ဆိုပါက… လော့ကျန့်ရှန်သည် ဤ အချက်ကို တွေးလိုက်သောအခါ သူ၏ မျက်လုံးများ တင်းမာသွားပြီး သူ၏ လက်သီးများကို ဆုပ်လိုက်

သည်။

“သူ သေရမယ် ငါ အရာအားလုံးကို စွန့်လွှတ်ရရင်တောင် သူ သေရမယ်”

လော့ထျန်၏ ခြိမ်းခြောက်မှုက သူ့ကို တုန်လှုပ်သွားစေသည်။

“သူ့မှာ နတ်ဆိုးအနှစ် ရှိတယ်”

“သူ့ကို သတ်သူ ဘယ်သူမဆို၊ နတ်ဆိုးအနှစ်က ထိုသူ ပိုင်ဆိုင်ရလိမ့်မယ်။ သူက တစ်ယောက်တည်းပဲ၊ ဒါကြောင့် မင်းတို့ အားလုံး စုပေါင်း ပြေးဝင်မယ်ဆိုရင် သူက မင်းတို့ရဲ့ ပြိုင်ဘက် ဖြစ်နိုင်စရာမရှိဘူး” လော့ကျန့်ရှန်သည် သူတို့ကို စည်းရုံးခဲ့သည်။

လော့ချန်သည် တစ်နည်းနည်းဖြင့် ရှေ့ဆုံးတန်းသို့ တွန်းပို့ခံလိုက်ရသည်။ သူ၏ မျက်နှာသည် ဖျော့တော့စွာ ပြောင်းလဲသွားပြီး သူ၏ ခြေထောက်များက သူ၏ ထိန်းချုပ်မှုထက် ကျော်လွန်၍ တုန်ခါလာခဲ့သည်။

လော့ထျန်ကို အနီးကပ် မြင်သောအခါ သူသည် နှစ်ကြိမ် ချေးစားခဲ့သည်ကို သတိရမိခဲ့သည်။ သူ့အတွင်း၌ စိတ်ပိုင်းဆိုင်ရာ နတ်ဆိုးတစ်ဦး ဖြစ်ပေါ်နေပြီး ဖြစ်သော်လည်း ဤသည်မှာ လက်စားချေရန် အကောင်းဆုံး အခွင့်အရေးလည်း ဖြစ်၏။ လော့ချန်သည် ရုတ်တရက် အော်ဟစ်လိုက်သည်၊ “သတ်”

သွေးများဖြင့် စိုရွှဲနေသော ကိုယ်ခန္ဓာရှိ ဖုန်းလေးသည် ရုတ်တရက် ထရပ်လိုက်သည်။ သူ၏ မျက်လုံးများ ဒေါသဖြင့် စိုက်ကြည့်ပြီး အော်ဟစ်လိုက်သည်၊

“ညီအစ်ကိုများ၊ သူတို့နဲ့ တိုက်ကြ”

“သတ်”

“သခင်လေးကို ကာကွယ်”

“အစ်ကိုကြီး ဝတုတ်လေကို ကာကွယ်”

ပြင်ပဂိုဏ်း တပည့် ဒါဇင်ပေါင်းများစွာသည် သူတို့၏ အသက်ကို ဂရုမစိုက်သကဲ့သို့ ပြေးထွက်လာကြသည်။ သူတို့၏ သွေးသည် ဆူပွက်နေပြီး သူတို့၏ မျက်လုံးများ သွေးနီရောင်ဖြစ်နေကာ လော့ထျန်၏ ရှေ့သို့ ပြေးဝင်လာကြသည်။

ငယ်ရွယ်စဉ်အခါက ဘယ်သူက မရမ်းကားတာ ရှိတာလဲ။

သူတို့သည် မာန်မာန အပြည့်ဖြင့် ရူးသွပ်ရန် ရဲဝံ့ခဲ့ကြပြီး အကျိုးဆက်များကို လျစ်လျူရှုခဲ့ကြသည်။

နက်နဲ တပည့် နယ်ပယ်၏ အထွတ်အထိပ်ရှိ တပည့်များ၊ သို့မဟုတ် နက်နဲဆရာ နယ်ပယ်သို့ ရောက်ရှိနေပြီဖြစ်သော တပည့်များကို ရင်ဆိုင်ရာတွင် ဤလူများသည် မဆိုင်းမတွဘဲ ပြသခဲ့ပြီး သူတို့၏ အရှိန်သည် ပို၍ပင် ပြင်းထန်နေခဲ့သည်။

ထိပ်တန်း တပည့်များ အားလုံးသည် သူတို့၏ ဓားများဖြင့် တစ်ပြိုင်နက် ထိုးသွင်းခဲ့ကြပြီး လော့ထျန်ကိုသာ ပစ်မှတ်ထားခဲ့ကြသည်။

ပြင်ပဂိုဏ်း တပည့်များတွင် ခိုင်မာသော အရှိန်အဝါ ရှိသော်လည်း သူတို့၏ ခွန်အား ကွာခြားမှုက ကြီးမားလွန်း၏။ လှုပ်ရှားမှု ခဏအတွင်း သူတို့ထဲမှ များစွာသည် ဒဏ်ရာရရှိပြီး ဖြစ်သည်။

သူတို့သည် လော့မိသားစု၏ အနာဂတ် မျှော်လင့်ချက်များ ဖြစ်ကြ၏။

လော့ထျန်သည် သူတို့၏ အသက်ကို သူ့အတွက် စတေးခွင့်ပေးမည် မဟုတ်ချေ။ သူ၏ မျက်ခုံးများ တွန့်လိမ်သွားပြီး သူ အတွေးတစ်ခု ပြုလုပ်လိုက်သည်၊ optimus ခေါင်းဆောငါသည် ချက်ချင်း ခြေလှမ်းကျယ်များ လှမ်းလာပြီး ပြင်ပဂိုဏ်း တပည့်များစွာ၏ ရှေ့တွင် ပိတ်ဆို့လိုက်သည်။

လော့ထျန်၏ သတ်လိုစိတ်သည် ထူထဲလာပြီး သူ အေးစက်စွာ အော်ဟစ်လိုက်သည်၊

“ငါ့ ညီအစ်ကိုများကို ထိရဲသူ သေစမ်း”

သူ၏ အသံ လွင့်သွားသည်နှင့်...

optimus ခေါင်းဆောငါ၏ ထူထဲသော သံလက်များ ကထုတ်လိုက်ပြီး ထိပ်တန်း တပည့်အုပ်စုကို နောက်သို့ ဆုတ်ခွာစေခဲ့သည်။ ဤအချိန်၌လည်း လော့ထျန်သည် လေထဲသို့ ခုန်တက်ပြီး ၎င်း၏ လက်သီးများ နစ်မြုပ်သွားသည်။

အဆင့် ၂ ကြမ်းတမ်းခြင်း၏ စွမ်းအားသည် သူ၏ အတွင်းမှ ပေါက်ကွဲထွက်လာသည်။

သူ၏ လက်သီးများသည် မိုးသီးမိုးပေါက်ကဲ့သို့ အရှိန်အဟုန်ဖြင့် ရွာသွန်းချလိုက်သည်။

သူ ဘယ်နေရာသို့ ရောက်ရောက် လေသည် ၎င်း၏ လက်သီးချက်များဖြင့် ကန်ခံရပြီးသူတို့သည် နေရာအနှံ့လွင့်ထွက်သွားရသည်။ သွေးများသည် နေရာတိုင်း ပန်းထွက်နေသည်။ ဤ သွေးထွက်သံယို မြင်ကွင်းသည်အလွန် ကြောက်မက်ဖွယ်ရာ၊ ထိတ်လန့်စရာနှင့် အံ့သြစရာပင် ဖြစ်၏။

သူ၏ စိတ်အတွင်း၌...

စနစ်သတိပေးချက် အသံသည်

“ဒင် ဒင် ဒင်…” ဟူ၍ ဆက်တိုက် ထွက်ပေါ်နေသည်။

၎င်းသည် သူ၏ သတ်ဖြတ်မှုအတွက် သံစုံတီးဝိုင်း တီးခတ်ပေးနေသကဲ့သို့ ဖြစ်၏။

၎င်းသည် သံမဏိသေမင်းနှင့် ကိုက်ညီသော သီချင်းတစ်ပုဒ်ကဲ့သို့ ဖြစ်သည်။

ဤ သံစဉ်က လော့ထျန်ကို သူ ကမ္ဘာမြေပေါ်တွင် ရှိခဲ့စဉ် ဒဏ္ဍာရီလာသူရဲကောင်းများမှ ကတ်သရီးနား ၏ သေမင်း ပန်း စွမ်းရည်ကို သတိရသွားသည်။

ပြိုင်ဘက်မရှိအောင် လှပတယ်။

လော့ထျန် ဖိနှိပ်ထားခဲ့သော ဒေါသသည် လုံးဝ ပေါက်ကွဲထွက်သွားခဲ့သည်။ သူ လက်သီးများကို ပြန်ဆုတ်ပြီး အေးစက်စွာ ပြုံးလိုက်သည်။ “ငါ့ကို ပိတ်ဆို့သူများ သေရမယ်”

“ဟားဟားဟား…”

“သခင်လေးက အစွမ်းထက်ဆုံးပဲ”

“အရမ်း အားကောင်းတယ်။”

“လက်သီးချက်တစ်ခုတည်းနဲ့ ကိုင်တွယ်နိုင်တယ် ဒါက အရမ်း မိုက်တယ်။ မင်းတို့လို အပေါစားဆန်တဲ့ ထိပ်တန်း တပည့်အုပ်စု၊ အခု လုပ်ကြည့်ပါဦး ဟားဟားဟား… ဒါက အရမ်း အံ့မခန်းပဲ။”

ထိပ်တန်း တပည့်များ၏ ဖိနှိပ်ခြင်းကို ခံခဲ့ရဖူးသော ပြင်ပဂိုဏ်း တပည့်တချို့က သူတို့ကို စတင် လှောင်ပြောင်ခဲ့ကြသည်။

ခဏတာအတွင်း ထိပ်တန်း တပည့်များသည် သုံးပုံတစ်ပုံဖြင့် လျော့နည်းသွားခဲ့သည်။

သူတို့ အားလုံး လော့ထျန်၏ လက်သီးချက်ဖြင့် ချက်ချင်း သတ်ခံခဲ့ရသည်။ ဤအရာက ကျန်ရှိသော ထိပ်တန်း တပည့်များ အချင်းချင်း ကြည့်ပြီး တစ်လှမ်းမျှပင် ရှေ့သို့ မတိုးရဲတော့ချေ။ လော့ထျန် သွားရာ နေရာတိုင်း သူတို့ ချက်ချင်း ဆုတ်ခွာကြသည်။

“သွား တိုက်ကြ”

“မင်းတို့ ဘာကို တွန့်ဆုတ်နေတာလဲ သွား၊ သူက တစ်ယောက်ပဲ သူ့ကို ကြောက်ဖို့ မလိုဘူး”

“သူ့ကို သတ်လိုက်၊ နတ်ဆိုးအနှစ်က မင်းတို့ ပိုင်ဆိုင်ရလိမ့်မယ်”

လော့ချန်သည် ကျယ်လောင်စွာ အော်ဟစ်နေစဉ် သူ၏ ကိုယ်ခန္ဓာသည် ပို၍ပင် သိသိသာသာ တုန်ခါနေခဲ့သည်။ လော့ထျန်၏ မျက်လုံးများကို တစ်ချက် ကြည့်ရုံဖြင့် သူ၏ သတ္တိသည်လည်း တုန်ခါခဲ့သည်။

“မင်း ခုထိ ဟောင်နေတုန်းလား”

“မင်း အဖေက ဟောင်ရင်းပဲ သေခဲ့တယ်။ ဒါကြောင့် မင်းလည်း ဟောင်ရင်း သေ သွားချင်တာလား”

လော့ထျန်၏ အသံ လွင့်သွားသည်နှင့်...

လေထဲရှိ ဟင်းလင်းပြင်၌ နက်နဲ စွမ်းအင်ဖြင့် စိမ့်ဝင်နေသော ကြီးမားသော လက်ဝါးတစ်ခု ရုတ်တရက် ဆန့်ထွက်လာပြီး လော့ချန်၏ ဦးခေါင်းဆီသို့ ရိုက်ချလိုက်သည်။

လော့ချန် မော့ကြည့်ပြီး ဖြူဖျော့သွားသည်။ သူ၏ ဘောင်းဘီ စိုစွတ်သွားပြီး တောက်လျှောက် စိမ့်ကျလာသည်။

သူ ကြောက်လွန်းလို့ ဘောင်းဘီထဲပင် ချီးပါလိုက်

သည်။

“ဒိုင်း”

မြေပြင်သည် လက်ဝါးရာ ပုံစံဖြင့် ကျွံဝင်သွားပြီး အလယ်တွင် အသားချေ ပုံတစ်ခု ရှိနေသည်။

“ဒင်”

“ကစားသမား လော့ထျန်အတွက် ဂုဏ်ယူပါ၏…”

လော့ချန်သည် ချက်ချင်း သတ်ခံလိုက်ရသည်

လူတိုင်း ကြောက်ရွံ့သော ပုံစံဖြင့် နောက်တစ်ကြိမ် နောက်ဆုတ်သွားကြသည်။ သူတို့ အားလုံးသည် လော့ထျန်၏ မျက်လုံးများကို တိုက်ရိုက် ကြည့်ဖို့ ကြောက်နေကြသည်။

သူတို့၏ လှုံ့ဆော်မှုနှင့် သတ္တိ ပျက်စီးသွားခဲ့သည်။

လော့ထျန်သည် အေးစက်စွာ ပြုံးပြီး ထိပ်တန်း တပည့်များကို ၎င်း၏ မျက်လုံးများဖြင့် လှည်းကြည့်လိုက်သည်။

“မင်းတို့ကို နောက်ဆုံး အခွင့်အရေးတစ်ခု ပေးပါမယ်…”

လော့ထျန်သည် သူ၏ ဝါကျကို မပြီးဆုံးသေးမီ ထိပ်တန်း တပည့်များ အားလုံး ဒူးထောက်ကာ သနားခံဖို့ တောင်းပန်ခဲ့ကြသည်။

“သခင်လေး လော့ထျန်၊ ကျွန်တော်တို့ကို ချမ်းသာပေးပါ ကျွန်တော်တို့ အားလုံး ဒီလို လုပ်ဖို့ အတင်းအကျပ် ခံခဲ့ရတာပါ”

“သခင်လေး လော့ထျန်၊ ကျွန်တော်တို့ကို ချမ်းသာပေးပါ”

“…”

တစ်ချိန်က ဂုဏ်ယူပြီး အားကောင်းခဲ့ကြသော ဤ ထိပ်တန်း တပည့်များသည် ယခုအခါ ဆင်းရဲဒုက္ခရောက်နေသော ပိုးမွှားများကဲ့သို့ ဖြစ်နေကြသည်။ သူတို့သည် လော့ထျန်၏ ရှေ့တွင် ဒူးထောက်ပြီး သူတို့၏ ဦးခေါင်းများမှ သွေးများ ထွက်လာသည်အထိ ဦးခိုက်နေကြသည်။ သူတို့တွင် မည်သည့် မာန်မာနမျှ မရှိတော့ချေ။

ဤ ထိပ်တန်း တပည့်များသည် လော့ထျန်ကို အရင်က ရိုက်နှက်ပြီး လှောင်ပြောင်ခဲ့ဖူးသည်။

သူတို့ကို သတ်ပါက လော့ထျန်ကို အတွေ့အကြုံ၊ နက်နဲ စွမ်းအင်နှင့် ဆေးပြားများပင် အများအပြား ရရှိစေလိမ့်မည်။

သူသည် ထို စူပါ သွေးမျိုးများနှင့် လဲလှယ်နိုင်သော သူ၏ အလဲမထိုးနိုင်သည့်တန်ဖိုးကိုလည်း တိုးမြှင့်

နိုင်၏။

သူတို့ကို သတ်ရန် ဤအချိန်၌ အလွန် လွယ်ကူသော်လည်း လော့ထျန် လှုပ်ရှားမှု မပြုလုပ်ခဲ့ချေ။

သူသည် သတ်ဖြတ်ရေး စက် သို့မဟုတ် ရူးသွပ်သော လူသတ်သမားတစ်ဦး မဟုတ်ချေ။ အလဲမထိုးနိုင်သည့် တန်ဖိုးသည် အရေးကြီးသော်လည်း လူတစ်ဦး၏ အသက်သည်လည်း အရေးကြီး၏။

ဤလူများသည် သူ၏ မျိုးနွယ်စု ညီအစ်ကိုများ ဖြစ်သည်ကို မဖော်ပြလိုချေ။

ဤ ထိပ်တန်း တပည့်များသည် လော့မိသားစု၏ ကျောရိုးများဟု ယူဆခံရသည်။ သူတို့ အားလုံး သေဆုံးပါက လော့မိသားစုသည် ကုန်းကောင်စရာမရှိဖြစ်သွားမည်။

သူ၏ ရှေ့ရှိ ဤ အခြေအနေကို မြင်သောအခါ လော့ကျန့်ရှန်သည် ထိတ်လန့်လာခဲ့သည်။ သူ လီရွှယ်အာ၏ လည်ပင်းကို ညှစ်ထားပြီး အနည်းငယ် ပို၍ တင်းကျပ်လာခဲ့သည်။

လော့ထျန်က သူမအတွက် ကြမ်းတမ်းနေသည်ကို မြင်သောအခါ လီရွှယ်အာသည် အတွင်း၌ နွေးထွေးပြီး ချိုမြိန်သည်ကို ခံစားလိုက်ရသည်။ သူမ တတ်နိုင်

လျှင် ယခုပင် လော့ထျန်ဆီသို့ ပြေးသွားပြီးဖက်

လိုက်ချင်သည်။

“လော့ကျန့်ရှန်၊ မင်းက ငါ့ အစ်ကိုကြီး လော့ထျန်ရဲ့ ပြိုင်ဘက် မဟုတ်တော့ပါဘူး။” လီရွှယ်အာ စတင် ပြုံးလိုက်သည်။

လော့ကျန့်ရှန် ဖမ်းဆီးထားသော်လည်း သူမ လုံးဝ မကြောက်ဘဲ အံ့သြစရာကောင်းလောက်အောင် စိတ်အေးနေခဲ့သည်။

လော့ကျန့်ရှန်၏ မျက်လုံးများ တင်းကျပ်သွားပြီးနောက် အေးစက်စွာ ပြုံးလိုက်သည်။

“မင်း ငါ့လက်ထဲမှာ ရှိနေသရွေ့ သူက နောက်ဆုံးမှာ ငါ့ ရှေ့မှာ ဒူးထောက်ရလိမ့်မည်။ ဟားဟားဟား…”

လီရွှယ်အာ၏ မျက်လုံးများ အနည်းငယ် ကျဉ်းမြောင်းသွားပြီး လော့ကျန့်ရှန်သာ ကြားနိုင်သည့်လေသံဖြင့် သူမတိုးတိုးလေး ပြောလိုက်သည်။ “ငါ မင်းကို လိုချင်တဲ့ အချိန်တိုင်း သတ်နိုင်တယ်”

ဤ ဝါကျသည် ယုံကြည်မှု အပြည့်ဖြင့် ပြည့်နှက်နေသည်။

လော့ကျန့်ရှန်၏ မျက်လုံးများ ချက်ချင်း ပြောင်းလဲသွားပြီး လက်ချောင်းများမှ ခွန်အား တိုးလာခဲ့သည်။

ထိုအချိန်တွင်…

ကောင်းကင်ယံမှာ အရိုးထဲထိစိမ့်ဝင်သွားစေမည့်အေးစက်စက်အရှိန်အဝါတစ်ခု ပေါ်လာသည်။

မည်သူမှ အချိန်မီတုံ့ပြန်နိုင်ခြင်းမရှိသည့် လျှပ်စီး၏ အရှိန်အဟုန်အစစ်ပင်...

လော့ထျန်မှလွဲ၍

"သေပြီ၊ ဒါမကောင်းတော့ဘူး" သူ ကြောက်လန့်တကြား အော်ဟစ်လိုက်တယ်– "ဘော့စ်ကို ချန်ထားပေးပါ၊ ကျွန်တော်ပဲ သတ်ပါရစေ"

သူ တကယ်ကို ကြောက်နေပြီ။

အလွန်ကြောက်နေသည်။

ဘော့စ်ကို တခြားလူက သတ်လိုက်ရင် ဘယ်လိုလုပ်မလဲ။

ဒါဆိုရင်... တကယ်ကို ရင်နာစရာကောင်းလွန်းလိမ့်

မယ်။

………

ကျင့်ကြံအဆင့်များ (စာရေးသူ၏ မှတ်ချက်)

နက်နဲ တပည့်၊ နက်နဲဆရာ၊ နက်နဲ ဂုရုသခင်၊ နက်နဲ စိတ်ဝိညာဉ်၊ နက်နဲ ဘုရင်၊ နက်နဲ ဘိုးဘေး၊ နက်နဲ ပူဇော်သူ၊ နက်နဲ ဧကရာဇ်၊ နက်နဲ သူတော်စင်၊ နက်နဲ နတ်ဘုရား၊ နက်နဲ အရှင်သခင် တို့ ဖြစ်၏။