ပြန်လည်ဆုတ်ခွာခြင်း ၁

လင်းရှန်သည် ထိုင်ခုံထဲတွင် ထိုင်လျက်၊ သူဆီသို့ အဆုံးမဲ့ ချဉ်းကပ်လာသော အနက်ရောင်သတ္တဝါအုပ်စုကြီးကို ကြည့်နေသည်။ သူ၏ မျက်လုံးများက စိတ်လှုပ်ရှားမှုဖြင့် တောက်ပနေသည်။ သူသည် ထိန်းချုပ်ခလုတ်များကို ဆုပ်ကိုင်ထားပြီး ရှေ့သို့ တွန်းပို့ကာ အော်ဟစ်လိုက်သည်—

“သေလိုက်စမ်း”

ဝှီး ဝီရ်ရ်ရ်

T8-Z မီးနတ်ဘုရားစက်ရုပ်၏ သေနတ်နှစ်လက်စလုံး မြှောက်တက်လာသည်၊၊ ပြန်ကန်အားထိန်းကိရိယာများနှင့် တံတောင်ဆစ်များပေါ်ရှိ ဟိုက်ဒရောလစ်စနစ်များ အပြည့်အဝ အသက်ဝင်လာသည်...မီးနတ်ဘုရား ဂတ်တလင်၏ ပြောင်းများသည် လည်ပတ်စပြုလာသည်။

တစ်ခဏချင်း— အင်အားအပြည့်အဝဖြင့် ပစ်ခတ်လိုက်သည်၊၊

ဝီး ဒက် ဒက် ဒက် ဒက်

ရွှေရောင်အလင်းတန်းများသည် မှောင်မည်းသော စင်္ကြံလမ်းကို ဝါးမျိုသော မုန်တိုင်းတစ်ခြအလား လင်းလက်သွားကာ ရေမွန်းစတားရာပေါင်းများစွာကို အသားစများအဖြစ် ဆုတ်ဖြဲပစ်လိုက်သည်။ မရေမတွက်နိုင်သော ကျည်ခွံများသည် မိုးသီးများ ကြွေကျသကဲ့သို့ ရေထဲသို့ ကျလာသည်။

ဘန်း ဘန်း ဘန်း

တစ်ချိန်တည်းမှာပင် ဘယ်ဘက်လက်မှ ၇၅ မီလီမီတာ အဓိကအမြောက်သည် ပစ်လိုက်ပြီး မွန်းစတားများဖြင့် ပြည့်နေသော စင်္ကြံလမ်းကို အသားများကို သံချောင်းဖြင့် ထိုးဖောက်သကဲ့သို့ ပေါက်ကွဲမှုများကို ထုတ်လွှတ်လိုက်သည်။

မိုးခြိမ်းသံကဲ့သို့သော ပစ်ခတ်မှုတစ်ချက်စီသည် ရေမွန်းစတားများစွာကို ချက်ချင်း လေထဲ၌ ပေါက်ကွဲစေသည်၊၊

မီးနတ်ဘုရားစက်ရုပ်သည် စင်္ကြံလမ်း၏ ဗဟိုတွင် ရပ်နေသည်၊၊ ၎င်း၏ အလွန်ကြီးမားသော ပစ်အားက ထိုလှိုင်းလုံးကို လုံးဝ ရပ်တန့်စေသည်။ ၎င်း၏ နောက်ကျောရှိ လေထုတ်ပြွန်နှင့် အပူဖလှယ်စက်များမှ ရေနွေးငွေ့နှင့် မီးခိုးများ တလိပ်လိပ် ထွက်လာသည်။

ရုတ်တရက်—

ပလပ်

ရေမွန်းစတား ခရုတစ်ကောင်သည် ရေအနက်မှ ခုန်ထွက်လာပြီး စက်ရုပ်၏ ခြေထောက်ကို တွယ်ကပ်လိုက်သည်။

ဤ သတ္တဝါငယ်များသည် ပုံမှန် အာရုံခံကိရိယာများဖြင့် မမြင်နိုင်ပေ၊၊

သို့သော် လင်းရှန်၏ ယန္တရားနှလုံးသားသည် စက်ရုပ်တစ်ခုလုံးကို လွှမ်းခြုံထားသည်— လှုပ်ရှားမှုတိုင်းကို လုံးဝ ရှင်းလင်းစွာ သိရှိနိုင်သည်။ သူသည် သေနတ်များကို ဆက်လက် ပစ်ခတ်နေစဉ် ညာဘက်ခြေထောက်ကို မြှောက်ကာ ပြင်းထန်စွာ နင်းချလိုက်သည်။

ဗြစ်...

အနက်ရောင်ခရုသည် ထိုအင်အားအောက်၌ ပေါက်ကွဲသွားသည်။

“လင်းရှန် နောက်ဘက်ကနေ အကောင်ကြီးတစ်ကောင် လာနေတယ်”

ကီကီ၏ အသံသည် တင်းမာနေသည်။

ဘီပီ ဘီပီ ဘီပီ

စက်ရုပ်၏ သတိပေးစနစ်သည် အော်ဟစ်လာသည်၊ ရှေ့မှ စင်္ကြံလမ်းသည် ပြင်းထန်စွာ တုန်ခါသွားသည်— ကြီးမားသော တစ်စုံတစ်ရာသည် ကြမ်းပြင်နှင့် နံရံများကို ဆုတ်ဖြဲကာ သူတို့ဆီသို့ ပြေးဝင်လာနေသည်၊၊

“နောက်ဆုတ်ကြ”

သူတို့သည် မြေအောက်အနက်ထဲ၌ ရှိနေသည်၊၊

ရှီကျိုးရေကန်၏ ရေများသည် လျင်မြန်စွာ ဝင်ရောက်လာနေသည်။ လင်းရှန်သည် ဆက်ပြီး မစွန့်စားချင်တော့ပေ၊၊

ဝှီး

သူသည် ပစ်ခတ်မှုကို ရပ်လိုက်ကာ လှည့်ပြီး ဓာတ်လှေကားဆီသို့ အရှိန်ဖြင့် ပြေးသွားသည်။

စက်ရုပ်၏ ဖိနှိပ်မှု ပျောက်ကွယ်သွားသည်နှင့်အမျှ ရေမွန်းစတားအုပ်စုကြီးသည် ဆူနာမီလှိုင်းတစ်ခုအလား ရှေ့သို့ တိုးလာသည်၊၊ ၎င်းတို့၏ အဖော်အလောင်းများကို ကျော်နင်းကာ အုပ်စုလိုက် အလုပ်ရုံထဲသို့ လိုက်ဝင်လာကြသည်။

ရေသည် လျင်မြန်စွာ တက်လာသည်...မွန်းစတားများ ပို၍ ထိုဧရိယာအတွင်းသို့ ဝင်ရောက်လာကြသည်။

ဒက် ဒက် ဒက်

အနန္တ ရထားအဖွဲ့သည် လင်းရှန်၏ ဆုတ်ခွာမှုကို ကာဗာပေးရန် စတင်ပစ်ခတ်လိုက်ကြသည်။

သူ ဓာတ်လှေကားပေါ်သို့ တက်လိုက်သည်နှင့် တစ်ပြိုင်နက် ကီကီသည် သူမ၏ လက်များကို မြှောက်ကာ တုန်ခါမှုလှိုင်းကို ထုတ်လွှတ်လိုက်သည်—

ဝုန်းးး

ရေမွန်းစတားထောင်ပေါင်းများစွာသည် စင်္ကြံလမ်းများမှ အုံခဲ၍ ထွက်ပေါ်လာပြီး ရေအောက် ကျိုင်းကောင်များနှယ် အလုပ်ရုံကို လွှမ်းမိုးသွားသည်၊၊ သူတို့၏ ထူးဆန်းသော အော်ဟစ်သံများသည် အခြားအသံအားလုံးကို နစ်မြုပ်စေသည်။

ဝှီး

ဓာတ်လှေကား ပလပ်ဖောင်းသည် အသက်ဝင်လာသည်၊၊

အဖွဲ့သည် အစွန်းတွင် ရပ်နေပြီး မွန်းစတားများကို တားဆီးရန် အဆက်မပြတ် ပစ်ခတ်နေကြသည်။ လင်းရှန်သည် မီးနတ်ဘုရားစက်ရုပ်၏ မီးထုတ်ပြွန်ကို အသက်သွင်းပြီး ကြီးမားသော မီးမုန်တိုင်းကို အောက်သို့ လွှတ်ချလိုက်သည်။

ကလန် ကလန်

ဓာတ်လှေကားသည် တက်သွားသည် အစွန်းများပေါ်တွင် တွယ်ကပ်နေသော မွန်းစတားများကို ဖိချေလိုက်သည်၊၊ ၎င်းတို့ကို အပိုင်းအစများအဖြစ် ကြိတ်ချေပစ်လိုက်သည်။

နောက်ဆုံးတွင် သေနတ်ပစ်သံများ ရပ်သွားကာ တိတ်ဆိတ်သွားသည်။

“ရှုချင်း ဆရာမချန် ထိခိုက်မှု သတင်းပို့”

“လင်း...ဘယ်သူမှ မထိခိုက်ဘူး”

မောဟိုက်နေသော အဖွဲ့သည် နောက်ဆုံး၌ ခဏတာမျှ အနားယူရန် အခွင့်အရေး ရသွားသည်။

“သတိထား...ကျည်ဖြည့်ပြီး တိုက်ပွဲအတွက် ပြင်ဆင်”

လင်းရှန်၏ မီးနတ်ဘုရားစက်ရုပ်သည် ရှေ့သို့ တက်လှမ်းလိုက်သည်၊၊ ကြီးမားသော မြေအောက်တံခါးများသည် တဖြည်းဖြည်း ပွင့်လာသည်—

အပြင်ဘက်ကမ္ဘာက စောင့်ကြိုနေသည်။

တင်းကျန်းရီသည် အဖွဲ့၏ အလယ်တွင် ကာကွယ်ခံထားရသည်။ သူမသည် ပတ်ဝန်းကျင်မှ အမှောင်ထုကို ကြည့်လိုက်ရာ သူမ၏ မျက်နှာသည် အနည်းငယ် ဖြူဖျော့နေသည်။ ချန်ဆီရွှမ်သည် သူမ၏ နောက်တွင် ရပ်နေသည်။

“ဒါရိုက်တာတင်း...လင်းရှန်နဲ့ နီးနီးကပ်ကပ်နေပါ”

“ကျေးဇူးတင်ပါတယ်”

တင်းကျန်းရီသည် သူမ၏ လက်ကို မြှောက်၍ သူမ၏ ခေါင်းပေါ်ရှိ သေးငယ်သော အစိမ်းရောင်အဖူးကို ထိလိုက်သည်၊၊ သူမ၏ မျက်လုံးများ အနည်းငယ် မှိတ်တုတ်မှိတ်တုတ် ဖြစ်နေသည်။ သူမသည် အမှန်တကယ် ကူညီချင်ခဲ့သော်လည်း သူမ၏ စွမ်းရည်နောက်ကွယ်မှ အခြေခံသဘောတရားကို မသိသေးပေ။ စိတ်လှုပ်ရှားမှု ဖြစ်ပေါ်သောအခါ ပန်းပွင့်လေး ပွင့်လာခြင်းမှလွဲ၍ အခြားအကျိုးသက်ရောက်မှု မရှိဟု ထင်ရသည်။

လက်နှိပ်ဓာတ်မီးများ၏ အလင်းတန်းများသည် အမှောင်ထုတစ်လျှောက် ဆက်တိုက်လှည့်ပတ်နေသည်။ ထိုအချိန်၌ပင် အနီရောင် အရိုးစုမွန်းစတားတစ်ကောင်သည် အရိပ်များထဲမှ ရုတ်တရက် ပြေးထွက်လာပြီး အနီးဆုံး အမျိုးသမီးတ‌စ်ယောက်ဆီသို့ တိုက်ရိုက် ခုန်ဝင်လာသည်။

လုချန် လျင်မြန်စွာ တုံ့ပြန်လိုက်သည်။ သူသည် သူ၏ စက်သေနတ်ကို မြှောက်ကာ ပစ်ခတ်လိုက်သည်၊၊ ကျည်တစ်ခုသည် ထိုအရိုးမွန်းစတား၏ နဖူးကို ထိုးဖောက်၍ ဦးခေါင်းနောက်ဘက်မှ ထွက်သွားသည်၊၊ သွေးနှင့် အသားများ နေရာအနှံ့ ပက်ဖြန်းသွားသည်။ ထိုသတ္တဝါသည် မြေပေါ်သို့ လဲကျသွားသော်လည်း ရုန်းကန်နေဆဲဖြစ်ပြီး အမျိုးသမီး၏ ခြေထောက်ဆီသို့ လက်သည်းများဖြင့် ကုတ်ခြစ်နေသည်။ ဘေးနှစ်ဖက်မှ အခြားသူများသည် ချက်ချင်း ပစ်ခတ်လိုက်ကြသည်၊၊

ဂါးး ဂယားး

မျက်တောင်တစ်ခတ်အတွင်း ၂ကောင် ၃ကောင် ဆယ်ကောင်... အကောင်၅၀ အရိုးစုမွန်းစတားများ ထွက်ပေါ်လာသည်…အမှောင်ထုထဲမှ အလုံးအရင်းဖြင့် တိုးထွက်လာသည်။ မွန်းစတားလှိုင်းလုံးကြီးသည် ဝင်ရောက်လာသည်…လူတိုင်း၏ လက်နက်များ တစ်ပြိုင်နက် အသက်ဝင်လာသည်။

ဒက် ဒက် ဒက် ဒက်

မီးရှူးမီးပန်းများဖောက်သကဲ့သို့ သေနတ်သံများ အဆက်မပြတ် ထွက်ပေါ်လာပြီး ဝင်ရောက်လာသော ဖုတ်ကောင်အုပ်ကြီးပေါ် ကျည်ဆံများ ရွာချလိုက်သဖြင့် လေထုထဲ၌ မီးခိုးများ ပြည့်သွားသည်။ ထို့နောက်အဖွဲ့သည် ၊ ဘယ်၊ ညာ၊ နောက်ဘက်တို့ကို ကာဗာပေးရန် Roarer K23 လျှပ်စစ်ဂတ်တလင် သေနတ်သုံးလက်ကို နေရာချထားလိုက်သည်။ တစ်ချိန်တည်းမှာပင် အဖွဲ့ဝင်များသည် စက်သေနတ်နှင့် လောင်ချာများထက် မနိမ့်သော လက်နက်များကို ကိုင်ဆောင်ထားပြီး ပြင်းထန်သော ပစ်အားကို ထုတ်လွှတ်လိုက်သည်။ ထိုအချိန်အတွင်း သူတို့သည် အမှောင်ထု၏ လှိုင်းလုံးကို ဆယ်မီတာခန့် အကွာအဝေးအတွင်း၌ ထိန်းထားနိုင်ခဲ့သည်။

တစ်ချိန်တည်းမှာပင် လူတိုင်းသည် လင်းရှန်၏ မီးနတ်ဘုရားစက်ရုပ်၏ နောက်သို့ အနီးကပ် လိုက်ပါကာ စမ်းသပ်စခန်း၏ ထွက်ပေါက်ဆီသို့ တည်ငြိမ်စွာ ရွေ့လျားနေကြသည်။

ထိုင်ခုံအတွင်း၌၊ လင်းရှန်သည် ရေဒါမျက်နှာပြင်ကို ကြည့်နေသည်၊ အရိုးစုမွန်းစတားများ၏ အထူထပ်ဆုံးနေရာများကို ဘယ်ဘက်လက်မှ တပ်ဆင်ထားသော အမြောက်ဖြင့် ပစ်မှတ်ထားကာ သူ၏ အဖွဲ့အပေါ် ဖိအားကို လျှော့ချရန် ကူညီပေးနေသည်။ သူ၏ ညာဘက်လက်မှ မီးနတ်ဘုရား စက်သေနတ်သည် ရှေ့မှ လမ်းကို ရှင်းလင်းပေးနေသည်။

ကီကီသည် စက်ရုပ်၏ နောက်တွင် ဝဲနေသည်။ လင်းရှန်က သူမကို နောက်မှ ချဉ်းကပ်လာသော သန္ဓေပြောင်းအုပ်စုကို ကိုင်တွယ်ရန် ညွှန်ကြားထားသည်၊၊ စွမ်းအင်ကို ချွေတာရန်နှင့် လုံးဝလိုအပ်မှသာ စိတ်စွမ်းအင်ကို အသုံးပြုရန် သတိပေးထားသည်— အထူးသဖြင့် ပစ်အား အားနည်းသွားသောအခါ သို့မဟုတ် တစ်ယောက်ယောက်က ကျည်ဖြည့်နေစဉ် ကာဗာပေးရန် လိုအပ်သောအခါမျိုးတွင် ဖြစ်သည်။

ရှုချင်းနှင့် လုချန်တို့သည် ဘေးနှစ်ဖက်ကို စောင့်ကြပ်သည်။ နှစ်ဦးစလုံးသည် အလွန်ကျွမ်းကျင်သော တိုက်ခိုက်ရေးသမားများဖြစ်ပြီး၊ သေနတ်များအပြင် အရိုးစုမွန်းစတားများ သို့မဟုတ် ထူးဆန်းသော သတ္တဝါများ

ပစ်ကွင်းကို ဖောက်ဝင်လာပါက ခုခံရန် အနီးကပ်တိုက်ခိုက်ရေးလက်နက်များကို အသင့်ပြင်ထားကြသည်။

ဘန်း ဘန်း ဘန်း ခရက်ရှ်