ခွဲခြမ်းစိတ်ဖြာခြင်း

Vol. 18 Ch. 266

“ဂါး—ဂယား”

ည ၂ နာရီတွင်၊၊

ရှီကျိုးရေကန် သစ်တောများအနီးမှ ရထားလမ်းပေါ်တွင် အနန္တရထား၏ လိုက်ကာများအားလုံးကို ချထားသည်။

ရထားအတွင်း၌ လူများသည် ရှေ့နောက် လှုပ်ရှားနေကြသည်၊၊ အလုပ်များသော လှုပ်ရှားမှုအသံသည် အဆက်မပြတ် ဖြစ်နေသည်။ အပြင်ဘက်တွင် ဖုတ်ကောင်များ အများအပြား လျှောက်သွားနေကြသည်။ တိုက်ပွဲငြိမ်သက်သွားသည်နှင့် ဖုတ်ကောင်များသည် တဖြည်းဖြည်း တိတ်ဆိတ်လာကာ ရထားတွဲများကို ဝိုင်းရံထားကြသည်၊၊ ရံဖန်ရံခါတွင် အက်ကွဲသော အသံများဖြင့် အော်ဟစ်ကာ သတ္တုကိုယ်ထည်ကို လက်သည်းများဖြင့် ကုတ်ခြစ်နေကြသည်။

ရထားအောက်မှ အရိပ်များအတွင်းတွင် အနက်ရောင် ကင်းခြေများနှင့်တူသော သတ္တဝါများသည် တွားသွားနေကြကာ ချုံခိုစောင့်ဆိုင်းနေကြသည် သို့မဟုတ် လေဝင်လေထွက်ပေါက်များကို ရှာဖွေကာ အတွင်းသို့ တိုးဝင်ရန် ကြိုးစားနေကြသည်။

သို့သော် လင်းရှန်၏ ယန္တရားနှလုံးသားအောက်၌ အနန္တ ရထား၏ ထောင့်တိုင်း နေရာတိုင်းသည် သူ၏ အာရုံထဲ၌ လုံးဝ ရှင်းလင်းနေသည်။ ယခုအချိန်တွင် ပြင်ပမှ ခြိမ်းခြောက်မှုအဆင့်သည် အနိမ့်ဆုံးသို့ ကျဆင်းသွားသည်ကို သူ ရှင်းရှင်းလင်းလင်း ခံစားမိသည်။

【ဘီပီ၊၊ ယန္တရားမဟုတ်သော စွမ်းအင်ကို အသုံးပြု၍ ရောင်ပြန် စကင်န်ဖတ်ခြင်း လုပ်ဆောင်နေသည်။】

【စကင်န်ဖတ်မှု ပြီးစီးသည်။ ရထားအတွင်း၌ ကြောက်ရွံ့ခြင်း အန္တရာယ် မတွေ့ရှိပါ။ အမှောင်စွမ်းအားကို အောင်မြင်စွာ ပိတ်ဆို့ထားသည်။】

သူတို့ စခန်းသို့ ပြန်ရောက်တိုင်း၊ လင်းရှန်သည် ထူးဆန်းသောကုဗတုံးကို အသုံးပြု၍ ရထားတစ်စီးလုံးကို အမြဲတမ်း စစ်ဆေးလေ့ရှိသည်။ မူမမှန်မှုများ မရှိကြောင်း အတည်ပြုပြီးသည်နှင့် ချက်ချင်းပင် ရှုချင်းနှင့် လောင်ရီတို့ကို အဖွဲ့ဝင်များ စုစည်းရန်၊ ကျည်ဆန်များ ပြန်လည် ဖြည့်တင်းရန်၊ လက်နက်များ စစ်ဆေးရန်နှင့် ဒဏ်ရာများကို ကုသရန် တာဝန်ပေးလိုက်သည်။ လို့ဟွာနှင့် ရှားရှားတို့သည် တစ်ညလုံး ရထားကို စောင့်ခဲ့ကြသဖြင့် လင်းရှန်သည် သူတို့ကို ဦးစွာ အနားယူစေခဲ့သည်။

ဆေးဘက်ဆိုင်ရာအသက်ကယ်ကုသစက်နှင့် ပတ်သက်၍မူ ၎င်းကို မတပ်ဆင်ရသေးပေ။ အချိန်မဖြုန်းဘဲ သူသည် ချန်ဆီရွှမ်နှင့် အခြားသူအချို့ကို ဆွဲခေါ်ကာ အမှောင်အမှတ်အသား၏ အခြေအနေကို တင်းကျန်းရီနှင့် စစ်ဆေးရန် ရထားတွဲ ၃ သို့ အလျင်အမြန် သွားခဲ့သည်။

ယခုအချိန်တွင် သွေးကပ်ဘေးပန်းသည် မှိန်ဖျော့သောအနီရောင်တောက်ပနေပြီး တစ်ချိန်တည်းမှာပင် အနက်ရောင်မြူခိုးများ အများအပြားကို စုပ်ယူနေသည်။

“အမှတ်အသားအတွက် တိကျတဲ့ စွမ်းအင်ရင်းမြစ် မရှိတဲ့အတွက် သွေးကပ်ဘေးပန်းရဲ့ တောက်ပမှုကို အကဲဖြတ်စနစ်အဖြစ် ယာယီ အသုံးပြုနေတယ်”

တင်းကျန်းရီ၏ အဖြူရောင်သုတေသနဝတ်ရုံသည် သွေးများနှင့် အသားစများ ပေကျံနေသော်လည်း သူမသည် အနည်းငယ်မျှ ဂရုမစိုက်ပုံမပေါ်ပေ။ ရထားပေါ်သို့ တက်သည်နှင့် တစ်ပြိုင်နက် သူမသည် အလုပ်စတင်လုပ်ဆောင်ခဲ့သည်။

သူမသည် လက်ကိုင်ကိရိယာကို မြှောက်ကာ သူမ၏ ယခင် မှတ်တမ်းများ၏ ရိုးရှင်းသော ဒေတာဇယားကို ဆွဲထုတ်လိုက်သည်။

“ခုထိ တောက်ပမှု ပြောင်းလဲမှု ငါးဆင့်ကို ကျွန်မ တွေ့ရှိခဲ့တယ်။ အတောက်ပဆုံးက ကျန်းကျိုးမြို့မှာ ဖြစ်ပြီး၊ ဒါကို အဆင့် ၅ အဖြစ် ခွဲခြားထားပတယ်။ ဒီအဆင့်က ယူပေအာကာသဆိပ်ကမ်းမှာ S-Class ထူးဆန်းသောသတ္တဝါနဲ့ အဆင့်နိမ့် ထူးဆန်းသောသတ္တဝါများ အများအပြားက ကျွန်မတို့ကို အမှတ်အသား ပြုလုပ်ခဲ့ချိန်မှာ ဖြစ်ခဲ့တယ်လို့ ကျွန်မ ယုံကြည်တယ်—ဒါဟာ ကျွန်မတို့ မှတ်တမ်းတင်ထားသမျှထဲမှာ အမြင့်ဆုံးအဆင့်ပဲ”

ချန်ဆီရွှမ် ခေါင်းညိတ်လိုက်သည်၊၊ ယန်ကျန်းလွင်ပြင်၏ အမှောင်ညထဲသို့ သူတို့ ပထမဆုံးဝင်ရောက်ခဲ့သော ထိုအသက်ရှုမှားခဲ့ရသည့်ည….ရုတ်တရက် ထူးဆန်းသောသတ္တဝါများ ဝိုင်းရံခံခဲ့ရပုံကို သူမ ပြန်လည် အမှတ်ရလိုက်သည်။

“ဟုတ်တယ်... အဲ့ဒီညက ငါတို့ရထား မှောက်လုနီးနီး ဖြစ်ခဲ့တာ”

“အတိအကျပဲ။ အဲ့ဒီယုတ္တိဗေဒအတိုင်းဆိုရင် မိုးရေမြို့မှာ ကျွန်မတို့ ရင်ဆိုင်ခဲ့ရတာက အဆင့် ၄ ဖြစ်တယ်။ မြေအောက်မြို့တော်ကနေ ထွက်လာတုန်းက အဆင့် ၃ ဖြစ်တယ်။ ဟန်ရှန်းတောင်ကြားကနေ လွတ်မြောက်လာတာက အဆင့် ၂ ဖြစ်တယ်။ ပြီးတော့ မိုးရေမြို့ရဲ့ ခြိမ်းခြောက်မှုကို ရှင်းလင်းပြီးနောက်မှာတော့ ကျွန်မက အဆင့် ၁ အဖြစ် ခွဲခြားထားတယ်—နှိုင်းယှဉ်ချက်အရ ဘေးကင်းပြီး အန္တရာယ်နည်းတယ်”

ကီကီက ချက်ချင်း ကြားဖြတ် ပြောလိုက်သည်၊၊

“ဒါပေမဲ့ မိုးရေမြို့မှာ တိုက်ခဲ့ရတဲ့ မွန်းစတားတွေက ကျန်းကျိုးမြို့ကဟာတွေထက် ပိုကြမ်းတယ်လို့ ခံစားရတယ်”

“ဒါက ငါ့ရဲ့ ဒုတိယအချက်ကို ရောက်သွားပြီ” တင်းကျန်းရီက ဆက်ပြောသည်။

“အမှောင်ဒီရေအတွင်းက ထူးဆန်းတဲ့ သတ္တဝါတွေ ပျံ့နှံ့နေပုံက ဒေသအလိုက်ကွာခြားတယ်။ မိုးရေမြို့က အဓိက ထူးဆန်းတဲ့ သတ္တဝါကြီးက နယ်မြေပိုင်ဆိုင်မှု အပြုအမူကို ပြသခဲ့တာကနေ ဒါကို ရှင်းရှင်းလင်းလင်း သိနိုင်တယ်။

ဒီလို တွေးကြည့်…အမှောင်အမှတ်အသားကို ကျွန်မတို့အပေါ်မှာထားရှိတဲ့ မမြင်ရတဲ့ အချက်ပြမီး ဒါမှမဟုတ် အနံ့အမှတ်အသားအဖြစ် သဘောထားနိုင်တယ်။ အမှတ်အသားက ပိုအားကောင်းလေ သူ ဆွဲဆောင်တဲ့ ထူးဆန်းတဲ့သတ္တဝါတွေရဲ့ အကွာအဝေးက ပိုကျယ်လေပဲ။ ဘာမှန်းမသိတဖြ့ အနက်ရောင်သစ်တောထဲမှာ မီးတုတ်တစ်ခုကို ထွန်းညှိလိုက်သလိုပဲ။

ဒါပေမဲ့ ပြဿနာက ကျွန်မတို့ ပတ်ဝန်းကျင်က သစ်တောမှာ အဆင့်မြင့်ထူးဆန်းတဲ့သတ္တဝါတွေ မရှိရင် ကျွန်မတို့ တကယ်တမ်း သေစေနိုင်တဲ့ ခြိမ်းခြောက်မှုတွေနဲ့ ရင်ဆိုင်ရမှာ မဟုတ်ဘူး”

လင်းရှန် အနည်းငယ် မျက်မှောင်ကြုတ်လိုက်သည်။ “ဒါဆို အမှတ်အသားရဲ့ အဆင့်တင် မဟုတ်ဘဲ…ဒေသဆိုင်ရာ အချက်တွေ... ဒါမှမဟုတ် ကံတရားအပေါ်မှာပါ မူတည်တယ်ပေါ့”

“အတိအကျပဲ”

တင်းကျန်းရီက ဆက်ပြောသည်-

“ကဲ ကျွန်မရဲ့ တတိယအချက်—ဒါက ကျွန်မရဲ့ ကိုယ်ပိုင် ယူဆချက်သက်သက်ပဲ။ ကြီးမားတဲ့ ဒါမှမဟုတ် အဆင့်မြင့်ထူးဆန်းတဲ့သတ္တဝါတွေ ရှိတဲ့ နေရာတွေမှာ အဆင့်နိမ့် သတ္တဝါတွေ ပိုနည်းမယ်လို့ ကျွန်မ ယုံကြည်တယ်။ ဒါက သားရဲသားကောင်သိပ်သည်းဆ ပုံစံကို လိုက်နာတယ်။

ဒါကြောင့် S-Class အမှတ်အသားနဲ့ ကျန်းကျိုးမြို့ အပြင်ဘက်ကို ရောက်တဲ့အခါ ကျွန်မတို့က အဆင့်နိမ့်သတ္တဝါအလုံးအရင်းကို ဆွဲဆောင်မိခဲ့တာ။

သူတို့ အရေအတွက်က များပြားနေပေမဲ့၊ သူတို့ထဲက ဘယ်သူမှ S-Class သတ္တဝါရဲ့ သေစေနိုင်တဲ့ ခြိမ်းခြောက်မှုမျိုး မရှိခဲ့ဘူး”

ကီကီသည် သူမ၏ လျှာကို ထုတ်လိုက်သည်။

“အဲ့ဒါတော့ သိတာပေါ့။ တကယ်လို့ S-Class ဆိုရင် ကျွန်မတို့ အခုလောက်ဆို သေနေပြီပေါ့”

ထို့နောက်၊ သူမက မေးသည်၊၊ “ဒါဆို ဒီည ကျွန်မတို့ တိုက်ခိုက်ခဲ့တဲ့ အကောင်... အဲ့ဒါက အဆင့် ၃ သတ္တဝါလား”

တင်းကျန်းရီက ခေါင်းညိတ်သည်။

“အဲ့လောက်ပဲ”

ထို့နောက် သူမ ကီကီကို ကြည့်လိုက်သည်။

“ဒါမှမဟုတ် အဆင့် ၄ တောင် ဖြစ်နိုင်တယ်။ ပြီးတော့ ငါ ယုံကြည်တာက... ဒီရထားပေါ်မှာ ငါတို့တို့နှစ်ယောက်တည်း အမှတ်အသား ပြုခံခဲ့ရတာပဲ”

ချန်ဆီရွှမ်သည် မျက်မှောင်ကြုတ်ပြီး သွေးကပ်ဘေးပန်းကို ကြည့်လိုက်သည်။

“ဒါပေမဲ့ တောက်ပမှုအရဆိုရင် အဆင့် ၃ မဖြစ်သင့်ဘူးလား”

“ဒီည ကျွန်မတို့ ထူးဆန်းတဲ့သတ္တဝါများ အများကြီး သတ်ခဲ့လို့ ဖြစ်နိုင်တယ်။ အမှတ်အသားရဲ့ အဆင့်က အရည်အသွေးကျ သွားခဲ့ပြီ”

လင်းရှန်သည် လေကို ရှည်လျားစွာ ရှူထုတ်လိုက်သည်။

“ဒီည တစ်ညတည်းမှာတင်….ငါတို့က C-Class သတ္တဝါ အနည်းဆုံး ခြောက်ကောင်လောက် ရှင်းနိုင်ခဲ့တယ်။ B-Class တွေ ရှိမရှိတော့ မသေချာဘူး၊၊ ဒါပေမဲ့ လူပုံစံမွန်းစတားတွေ၊ ကင်းခြေများ သတ္တဝါတွေနဲ့ ရေထဲက အလောင်းကောင်တွေ အပါအဝင်ဆိုရင်—အနည်းဆုံး ရာဂဏန်းလောက် သတ်ခဲ့ရလောက်တယ်”

တင်းကျန်းရီက ခေါင်းညိတ်သည်။ “ဟုတ်တယ် ဒါက အဓိပ္ပာယ်ရှိတယ်။ ဒါ့အပြင် ကျွန်မတို့ ပတ်ဝန်းကျင်မှာ ထူးဆန်းတဲ့သတ္တဝါတွေ မရှိသင့်တော့ဘူး၊၊ ကျန်နေသေးရင်တောင် ကျွန်မတို့ရဲ့ လက်ရှိ အမှတ်အသားအဆင့်ကြောင့် သူတို့ ကျွန်မတို့ဆီ ဆွဲဆောင်ခံပြီးသား ဖြစ်နေလောက်ပြီ”

ကီကီသည် သူမ၏ လက်များကို ပိုက်ထားသည်။

“ဒါဆို အခြေခံအားဖြင့်….ကျွန်မတို့က သူတို့အားလုံးကို သတ်ပစ်လိုက်ပြီပေါ့”

တင်းကျန်းရီ၏ ခွဲခြမ်းစိတ်ဖြာချက်သည် လင်းရှန်ကို အမှောင်သတ္တဝါများအကြောင်း ပိုမို နားလည်စေသည်။ အမှောင်ဒီရေသည် လက်တွေ့ကမ္ဘာနှင့် ရောယှက်နေပြီး အခြေနေတစ်ခုကို ဖန်တီးပေးနေပုံရသည်။

နေ့ဘက်တွင် ထူးဆန်းသော သတ္တဝါများသည် သူတို့ပတ်ဝန်းကျင်တွင် ပုန်းအောင်းနေနိုင်ကာ မမြင်ရပေ။

သို့သော် ညဘက်တွင် ၎င်းတို့သည် ရုတ်တရက် ပေါ်ထွက်လာသည်။ အကယ်၍ ၎င်းတို့သည် အလွန်နီးကပ်နေပါက…အမှတ်အသား ပြုလုပ်ခံထားရသူတိုင်းကို ချက်ချင်း တိုက်ခိုက်၍ ဝါးမျိုကြပေမည်။

သို့မဟုတ် အမှောင်အမှတ်အသားကြောင့် ဆွဲဆောင်ခံရပြီး အရိပ်များမှ စုဝေးလာကာ ၎င်းတို့၏ သားကောင်ကို လိုက်လံ ဖမ်းဆီးကြမည်။

“ဒါဆို…ဒီအယူဆရဆိုရင် သုတေသနစခန်းအောက်မှာ S-Class သတ္တဝါတစ်ကောင် ရှိနေတယ်လို့ ဆိုလိုတာလား” ချန်ဆီရွှမ်က မျက်မှောင်ကြုတ်လျက် မေးသည်။

ကီကီ၏ မျက်လုံးများ ပြူးကျယ်သွားသည်။

“အစ်မချန် ရှင် မမြင်လိုက်တာ ဆိုးတယ်…အဲ့ဒီဟာကြီးက ဧရာမကြီး…. မြေကြီးထဲကနေ တန်းပြီး ပေါက်ထွက်လာတာ—လူခေါင်းပုံစံပေါ်မှာ ဂျိုလို လက်တံဥမှင်နှစ်ခု ပေါက်နေတဲ့ ငါးကြီးတစ်ကောင်”

သူမ ရုတ်တရက် တစ်ခုခုကို သတိရသွားပြီး လင်းရှန်ဘက်သို့ အလျင်အမြန် လှည့်လိုက်သည်။

“အော် ဟုတ်သားပဲ…ဒါတင် မကသေးဘူး….အစ်မတင်းနဲ့ ကျွန်မက နောက်ထပ် တစ်ခုကို ရှာတွေ့ခဲ့တယ်”

ထို့နောက် သူမသည် ရေဖိအားလျှော့ခန်းအတွင်းတွင် သူတို့ တွေ့ရှိခဲ့သည်များကို ပြန်ပြောပြလိုက်သည်။

လင်းရှန်နှင့် ချန်ဆီရွှမ်တို့၏ မျက်နှာအမူအရာများ အံ့အားသင့်မှုဖြင့် ပြောင်းလဲသွားသည်။

“လူခေါင်းပုံစံနဲ့ ဥမှင်လက်တံတွေလား”

“ဟုတ်တယ်” တင်းကျန်းရီ၏ မျက်နှာမည်းမှောင်သွားသည်။

“ဒါမှမဟုတ်ရင်၊ ဘာလို့ လူတွေကို နက်ရှိုင်းတဲ့ ရေကန်ထဲ ပို့ပြီး ပြန်ထုတ်တာလဲ—အားလုံးကို အဝေးကနေ ထိန်းချုပ်ထားတာ။

ဖောင်ဒေးရှင်းက ရှစ်ကျူရေကန်အောက်က S-Class မွန်းစတားအကြောင်းကို အပြည့်အဝသိထားတယ်လို့ ကျွန်မ ယုံကြည်တယ်။ သူတို့က အမှောင်အမှတ်အသားများကို ရယူဖို့ ဒီနည်းလမ်းကို တမင်တကာ အသုံးပြုနေတာ။

ပြီးတော့ ကီကီနဲ့ ကျွန်မကို အမှတ်အသား ပြုလုပ်ခဲ့တဲ့ သတ္တဝါက... အဲ့ဒီမွန်းစတားကြီးပဲ”

လင်းရှန်၏ မျက်နှာအမူအရာ နက်မှောင်သွားသည်။ “အဲ့ဒီ မိန်းမ—တန်မင်။ သူမက ပျံသန်းနိုင်တဲ့ စွမ်းအားရှင် မဟုတ်ဘူးလား”

“ဟုတ်တယ်၊ သူမက ဂိမ်းကို အနိုင်ရခဲ့တာ”

ကီကီက ပြန်ဖြေသည်။

လင်းရှန်၏ မျက်လုံးများ ကျဉ်းမြောင်းသွားသည်။

“ဒါဆို အမှန်တရားကို သိနိုင်တဲ့ လူတစ်ယောက် ရှိတယ်”

“ဘယ်သူလဲ”

“ဟူလုရှို့…သူက ဖောင်ဒေးရှင်းရဲ့ သေမင်းကစားပွဲတွေမှာ သေချာပေါက် ပါဝင်ခဲ့တယ်—ပြီးတော့ အနိုင်ရခဲ့တယ်”