စွမ်းရည်အသစ်

ချင်းရွှေမြို့၏ လမ်းပေါ်တွင် ပျက်ကျထားသော Dragon-Class သယ်ယူပို့ဆောင်ရေးသင်္ဘောသည် ပြင်းထန်စွာ တုန်ခါသွားပြီး ဖုန်လုံးကြီးများသည် လေထဲသို့ ပေါ်ထွက်လာသည်။

မှောင်မည်းသော လမ်းကြားများနှင့် စွန့်ပစ်ထားသော လမ်းများတွင် ထိုအသံကို ကြားရသော ဖုတ်ကောင်တိုင်း တစ်ပြိုင်နက် လှည့်ကြည့်လိုက်ကြသည်၊၊ မျက်လုံးများအားလုံး ပေါက်ကွဲမှု၏ ဦးတည်ရာဆီသို့ စူးစိုက်သွားသည်...

မြေပြင်အထက်တွင် မြင့်မားသောလေထုထဲတွင်

ပင်ပန်းနွမ်းနယ်ပြီး အားနည်းနေသော လင်းရှန်သည် ယခုအခါ ကီကီ၏ စွမ်းရည်ဖြင့် လေထဲတွင် သယ်ဆောင်ခံနေရသည်၊၊ အနန္တရထားဆီသို့ ဦးတည်နေသည်။ သူမသည် လင်းရှန်၏ ဆိုင်ကယ်ကိုပင် ယူဆောင်ရန် စိတ်မကူးခဲ့ပေ။

ရှီကျိုးရေကန်အထက်မှ အပြာရောင်ကောင်းကင်နှင့် အဖြူရောင်မိုးတိမ်များကို ကြည့်ရင်း လင်းရှန်သည် ရှားပါးသော ငြိမ်းချမ်းမှုတစ်ခုကို ခံစားလိုက်ရသည်။ ဤနောက်ဆုံး ဝါးမျိုမှုသည် မယုံနိုင်စရာ ကောင်းသော ရလဒ်ဖြစ်သည်—နာရီပေါင်း ရှစ်နာရီ သို့မဟုတ် ကိုးနာရီနီးပါး ကြိုးစားအားထုတ်ပြီးနောက် သူ၏ ယန္တရားစွမ်းရည်သည် ကြီးမားသော ခုန်ပျံကျော်လွှားမှုတစ်ခုကို ပြုလုပ်နိုင်ခဲ့သည်။ သူသည် ယခုအခါ အဆင့် ၄ ယန္တရားနှလုံးသားကို ရောက်ရှိရန် အမှတ် ရာဂဏန်း အနည်းငယ်သာ လိုတော့သည်။

ဤနှုန်းဖြင့်ဆိုလျှင် သူသည် မီးရထားစက်ခေါင်း အင်ဂျင် နှစ်လုံး သို့မဟုတ် သုံးလုံးကို ဖျက်ဆီးရန်သာ လိုသည်၊၊ သူသည် နောက်ထပ် မှတ်တိုင်တစ်ခုကို ရောက်ရှိတော့မည်ဟု တွက်ဆမိသည်။

“ဒါက ပျံသန်းရတာမျိုးပဲ... တော်တော်ကောင်းတာပဲ”

တိုက်ခတ်နေသောလေများက သူ၏ ပါးကို ထိတွေ့သွားသည်နှင့် ကျေနပ်စွာ ရေရွတ်လိုက်သည်။

သူ၏ ရှေ့တွင် ပျံသန်းနေသော ကီကီသည် သူမ၏ လက်များကို ပိုက်ကာ သူ့ကို ဘေးတိုက် စူးစူးဝါးဝါး ကြည့်လိုက်သည်။

“ရှင့်ရဲ့ အခုလို သနားစရာအခြေအနေမျိုး မဟုတ်ရင်...ကျွန်မ ရှင့်ကို ပြန်ပြေးလာခိုင်းမှာပဲ”

လင်းရှန်သည် ဖြည်းညင်းစွာ သက်ပြင်းချလိုက်သည်။ ကီကီ ထိုသို့ စိတ်ကောက်နေသည်ကို မြင်သောအခါ သူသည် ခေါင်းကိုက်ခြင်းကို အနည်းငယ် စတင်ခံစားလာရသည်။

ငါ ဘာလို့ ဒီကောင်မလေးကို အမြဲ နမ်းနေရတာလဲ....သူ တွေးသည်။ ပြီးခဲ့တဲ့ တစ်ခါက ငါ ခိုးနမ်းခဲ့တာ လူမမိခဲ့ဘူး၊၊ ဒီတစ်ခါတော့ ငါ ဦးနှောက်က လုံဝလွတ်သွားပြီး သူမျက်စိရှေ့တင် နမ်းလိုက်တာပဲ။ အခု အခြေအနေက စိတ်မသက်မသာဖြစ်စရာပဲ... ငါ တကယ်ပဲ အဲ့လိုလုပ်မှ ဖြစ်တာလား....

တစ်ချိန်တည်းမှာပင် ကီကီသည် သူ၏ မျက်လုံးထောင့်မှ လင်းရှန်ကို ခိုးကြည့်နေသည်။ သူမကို ကြည့်နေသည်ကို မြင်သောအခါ သူမသည် ချက်ချင်း ခေါင်းကို ပြန်လှည့်လိုက်ပြီး တိတ်ဆိတ်စွာ သက်ပြင်းချလိုက်သည်၊၊

သူမသည် သူမ၏ ရင်ဘတ်ကို ဖိလိုက်သည်။ သူမ၏ နှလုံးသားသည် ရူးသွပ်စွာ ခုန်နေဆဲပင်။

“ထပ်ပြီး... သူ ငါ့ကို နမ်းတယ်...”

သူမ၏ မျက်လုံးများ မကျေနပ်မှုဖြင့် ကျဥ်းမြောင်းသွားသည်၊၊ သူမသည် တီးတိုးရေရွတ်လိုက်သည်၊၊

“ကောင်စုတ်... နောက်တစ်ခါဆိုရင် ငါ ရှင့် နှုတ်ခမ်းတွေကို ကိုက်ဖြတ်ပစ်မယ်...ထပ်လုပ်ရဲမလားဆိုတာ ကြည့်ရသေးတာပေါ့....ဟွန်း”

အနန္တ ရထားအတွင်း၌

ကျွီ...အနန္တ ရထား၏ တံခါးများ ပွင့်လာသည်၊၊

ကီကီနှင့် လင်းရှန်တို့သည် အတွင်းသို့ ဝင်ရောက်လာကြသည်။

လင်းရှန် ဝင်ရောက်သည်နှင့် တစ်ပြိုင်နက် ယန္တရားနှလုံးသားမှ သတိပေးချက် မျက်နှာပြင်တစ်ခု သူ၏ ရှေ့တွင် ရုတ်တရက် ပေါ်လာသည်။

【ယန္တရားမဟုတ်သော စွမ်းအင်ကို ပြောင်းလဲသည်—၁,၀၀၀ ယန္တရားရင်းမြစ်အမှတ် ရရှိသည်။】

ဝှီး

အားကောင်းသော၊ နွေးထွေးသော စွမ်းအင်လှိုင်းတစ်ခု လင်းရှန်၏ ကိုယ်ခန္ဓာကို လွှမ်းမိုးသွားသည်။ ချက်ချင်းပင် သူ၏ ကုန်ခန်းသွားသော စိတ်စွမ်းအင်သည် လျင်မြန်စွာ ပြန်လည်ကောင်းမွန်လာသည်ကို သူ ခံစားလိုက်ရသည်။

“ထူးဆန်းတဲ့ ကုဗတုံးလား”

ဘာဖြစ်သွားသည်ကို သိလိုက်သော လင်းရှန်သည် ရထားတွဲ အမှတ် ၁ ဆီသို့ ပြေးသွားသည်။

“ဟေး...ရှင် ခုနကမှ အရမ်း ပင်ပန်းနေတာ မဟုတ်ဘူးလား”

ဝင်လာသော ကီကီသည် လင်းရှန်—အစောပိုင်းက အားနည်းပြီး စွမ်းအားကုန်ခန်းနေပုံရသော—ရုတ်တရက် တတ်ကြွလာကာ စွမ်းအင်များ ထုတ်လွှတ်နေသည်ကို မယုံနိုင်စွာ ကြည့်နေသည်။ သူမ၏ မျက်လုံးများ သံသယဖြင့် ကျဉ်းမြောင်းသွားသည်။

“သူ တစ်ချိန်လုံး ဟန်ဆောင်နေတာလား”

ကီကီ၏ သံသယများကို လျစ်လျူရှုကာ လင်းရှန်သည် ရထားတွဲ အမှတ် ၁ သို့ အလျင်အမြန် ရောက်ရှိပြီး ထူးဆန်းသောကုဗတုံးကို အသက်သွင်းလိုက်သည်။

【ဘီး၊၊ ယန္တရားမဟုတ်သော စွမ်းအင်ကို အသုံးပြု၍ ရောင်ပြန် စကင်န်ဖတ်ခြင်း စတင်သည်။】

【စကင်န်ဖတ်မှု ပြီးစီးသည်—ရထားအတွင်း၌ ကြောက်ရွံ့ခြင်းအခြေပြု ခြိမ်းခြောက်မှု မတွေ့ရှိပါ။ အမှောင်စွမ်းအင် ဝင်ရောက်မှု ပိတ်ဆို့သည်။】

【ယန္တရားမဟုတ်သော စွမ်းအင်ကို ပြောင်းလဲသည်—၁,၀၀၀ ယန္တရားရင်းမြစ်အမှတ် ရရှိသည်။】

“ငါထင်တဲ့ အတိုင်းပဲ”

မနေ့ညက အကြိတ်နယ်တိုက်ပွဲသည် သူ မူလက ထင်ထားသည်ထက် ပို၍ ရလဒ်ကောင်းခဲ့ပုံရသည်။ ထူးဆန်းသော သတ္တဝါများနှင့် ထိတ်လန့်ဖွယ်လူသားများ အများအပြား သေဆုံးခြင်း—အထူးသဖြင့် ဟန်ရှန်းတောင်ကြားရှိ ဧရာမ အနက်ရောင်ကင်းခြေများ—သွေးကပ်ဘေးပန်းသည် ကြီးမားသော စွမ်းအင်ပမာဏကို စုပ်ယူပြီး ပြောင်းလဲပေးခဲ့သည်။

အဖွဲ့ ဆွေးနွေးမှု-

“လင်းရှန်”

ချန်ဆီရွှမ်နှင့် ရှုချင်းတို့သည် သူ မျှော်လင့်ထားသည်ထက် ပို၍လန်းဆန်းနေပုံဖြင့် ရောက်လာကြသည်။

လင်းရှန်သည် သူတို့ကို အံ့အားသင့်စွာ ကြည့်လိုက်သည်။ “အားလုံး ဘယ်လို ခံစားရလဲ”

ချန်ဆီရွှမ်သည် မျက်တောင်ခတ်လိုက်ကာ စိတ်ရှုပ်ထွေးသွားသည်။ “အမ်... ကောင်းပါတယ်...ဘာလို့လဲ”

ဘေးတွင် ရပ်နေသော ရှားရှားသည် ရုတ်တရက် သဘောပေါက်လိုက်သည်။ “အစ်မကြီးချန် ရှင် တစ်ညလုံး မအိပ်ခဲ့ဘူးလား”

အဖွဲ့တစ်ခုလုံး သူမဘက်သို့ လှည့်လာကြသည်။

ချန်ဆီရွှမ်သည် တုံ့ဆိုင်းသွားပြီးနောက် ခေါင်းခါလိုက်သည်။ “ထူးဆန်းတာက ကျွန်မ လုံးဝ မပင်ပန်းဘူး”

“ရှင် ပြောမှပဲ...ကျွန်မလည်း ဒီလိုပဲ ခံစားရတယ်”

ရှုချင်းက ထပ်ပြောသည်။ “ငါ အများကြီး မနားခဲ့ရဘူး၊ ဒါပေမဲ့ လုံးဝ အားပြည့်နေသလို ခံစားရတယ်။ ဒါ... ထူးဆန်းတဲ့ သတ္တဝါတွေကို သတ်လိုက်လို့ ဆင့်ကဲ ပြောင်းလဲသွားတာများလား”

“သဘာဝကျပါတယ်” လုရှင်းချန်က ဂုဏ်ယူဟန်ဖြင့် ပြောလိုက်သည်။

“အမှောင်ညရဲ့ မကောင်းမှုတွေကို သန့်စင်တာက ငါတို့ရဲ့ ကျင့်ကြံမှုကို တိုးတက်စေတာပဲ”

“လုံးဝ မဟုတ်ဘူး” လင်းရှန်က ဖြတ်ပြောလိုက်သည်။

လူတိုင်း အားပြည့်နေသည်ကို မြင်သောအခါ၊ သွေးကပ်ဘေးပန်းသည် အဖွဲ့တစ်ခုလုံးကို အကျိုးပြုခဲ့ကြောင်း သူ သိသည်။ သို့သော် သူသည် အသေးစိတ်ကို ရှင်းပြခြင်း မပြုရန် ဆုံးဖြတ်သည်— ၁ အချက်က ရှုပ်ထွေးသောကြောင့် ဖြစ်ပြီး ၂အချက်က သူကိုယ်တိုင်ပင် အပြည့်အဝ နားမလည်သေးသောကြောင့် ဖြစ်သည်။

စွမ်းရည်အသစ် ရရှိခြင်း

【ဂုဏ်ယူပါသည်။ ယန္တရားနှလုံးသားသည် အဆင့် ၄ သို့ ရောက်ရှိသွားပါသည်။ သင်သည် ယန္တရားချဲ့ထွင်ခြင်းဟူသော passive စွမ်းရည်ကို ရရှိပါသည်။】

【ယန္တရား ချဲ့ထွင်ခြင်း (passive စွမ်းရည်)】: အမြင့်ဆုံးအဆင့် အထူးစွမ်းရည်များကို ယန္တရား သီးသန့်စွမ်းရည်များအဖြစ် ပြောင်းလဲသည်။ မြှင့်တင်ရန်အတွက် စက်ပစ္စည်း ကုန်ကြမ်းများ လိုအပ်သည်။ (မှတ်ချက်: ချဲ့ထွင်ထားသော စွမ်းရည်များတွင် ကျွမ်းကျင်မှုအဆင့် ရှိတော့မည် မဟုတ်ဘဲ ယန္တရားထုတ်လုပ်မှု ကျွမ်းကျင်မှုအတွက် အထောက်အကူ ပြုမည်။)

【ချဲ့ထွင်ရန် ရရှိနိုင်သော စွမ်းရည်များ】

လေအမြောက် (အဆင့် ၃၊ အမြင့်ဆုံး) → 【စက်ရုပ်အမြောက်】 သို့ မြှင့်တင်ရန်

ကုန်ကြမ်းများ: တိုက်တေနီယမ် သတ္တုစပ် x ၁၀၀၊ အပူလိပ် သွန်းထားသော သံမဏိ x ၁၀၀

ကြာချိန်: နာရီ ၂၀

ရေခဲဒိုင်းကာ (အဆင့် ၃၊ အမြင့်ဆုံး) → 【AT-Field ဒိုင်းကာ】 သို့ မြှင့်တင်ရန်

ကုန်ကြမ်းများ: အလွန်မာကျောသော ကာဗွန် ကာဗိုက် သတ္တုစပ် x ၁၀၊ တန်စတင်-တိုက်တေနီယမ် သတ္တုစပ် အမျိုးအစား I x ၅၀

ကြာချိန်: နာရီ ၃၀

“သောက်ရမ်းမိုက်တယ်ဟ”

လင်းရှန် လုံးဝ အံ့အားသင့်သွားသည်။

ဒါက သူ လိုအပ်နေတဲ့ အရာပဲ။

လောင်ရီ၊ ရှားရှားနှင့် ချန်ဆီရွှမ်တို့သည် သူတို့၏ အကြည့်များကို လင်းရှန်ဘက်သို့ လှည့်လိုက်ကြသည်။

လင်းရှန်သည် မြေပုံကို တစ်ချက် ကြည့်လိုက်ပြီး ဆက်ပြောသည်၊၊ “ငါ့မှာ အစီအစဉ် ရှိပြီးသား။ ဒါပေမဲ့ မထွက်ခွာခင် ဟန်ရှန်းတောင်ကြားကို ပြန်သွားဖို့ လိုတယ်—ငါတို့ ရှာရမယ့် လူတစ်ယောက် ရှိတယ်”

ဝူး~

ထိုအခိုက်တန့်၌ ယန္တရားနှလုံးသားသည် အသက်ဝင်လာသည်။ အနန္တ ရထား၏ ဝေးလ် 03E အကြီးစား ဓာတ်ငွေ့ တာဘိုင်မီးရထားစက်ခေါင်းသည် နက်ရှိုင်းစွာ မြည်ဟည်းသံ ထွက်လာသည်၊၊ ၎င်း၏ သံဘီးများသည် သံလမ်းတစ်လျှောက် တုန်ခါရင်း လည်ပတ်နေသည်၊၊ ရထားကို ဆန့်ကျင်ဘက် လမ်းကြောင်းသို့ တွန်းပို့ကာ ဟန်ရှန်းတောင်ကြားမြို့ဆီသို့ ပြန်ဦးတည်သွားသည်။

တစ်ညလုံး လျှောက်သွားနေသော ဖုတ်ကောင်များသည် သံမဏိခံတပ်ကြီး ရွေ့လျားနေသည်ကို သတိပြုမိကြပြီး ချက်ချင်း အက်ကွဲသော အော်ဟစ်သံများ ထုတ်လွှတ်ကြသည်၊၊ ရထားနောက်သို့ လိုက်ရန် ယိုင်နဲ့စွာ လှုပ်ရှားလိုက်ကြသည်။

Telegram-linxian2069