ဘေဘီမာဖီးယား

***ဘာသာပြန် ရပ်နားထားပါသည်*** အသက်၃နှစ်ပဲ ရှိသေးပေမဲ့ စူပါပါဝါတွေရှိတဲ့ ကမ္ဘာမှာ ရုတ်တရက်ကြီး မာဖီးယားခေါင်းဆောင်တစ်ယောက် ဖြစ်လာတယ်။ အသက်၂၀အရွယ် အန်နီမဲချစ်သူတစ်ဦးဖြစ်သူ အင်စလေစလိုအန်သည် လမ်းလျှောက်ခါစ ကလေးတစ်ဦး၏ ခန္ဓာကိုယ်ထဲသို့ ရုတ်တရက် ကူးပြောင်းသွားသည်။ ဖခင်ဖြစ်သူမှာ အမျိုးသမီးတစ်ဦးနောက်သို့ လိုက်ပြေးသွားပြီး မိခင်မှာ အငှားကိုယ်ဝန်ဆောင်တစ်ဦး ဖြစ်သည်။ မိဘနှစ်ပါးစလုံးသည် အလယ်အလတ် အရွယ်အစားရှိ မာဖီးယားမိသားစုတစ်ခုကို ဦးစီးအုပ်ချုပ်ရန် အသက်၃နှစ်သာရှိသေးသော ကလေးမလေးအား ထားရစ်ခဲ့သည်။ မ ဖြစ် နိုင် ဘူး။ အင်စလေသည် စွန့်ပစ်ခံထားရသော စလိုအန်မိသားစုကို သိမ်းသွင်းကာ အချိန်မရွေး သေဆုံးသွားနိုင်လောက်အောင် အန္တရာယ်များလွန်းသည့် မာဖီးယားလောက၏ ထိပ်ဆုံးသို့ ခေါ်ဆောင်သွားသည်။ မ စိုး ရိမ် ပါ နဲ့။ ကံကြမ္မာ၏စွမ်းအား၊ သစ္စာရှိ လက်အောက်ငယ်သားများ၏ အကူအညီနှင့် လူသားဖြစ်လာသော ကြောင်များ၏ ကာကွယ်မှုအောက်တွင် အင်စလေသည် သူမ၏ လမ်းကြောင်း၌ ရင်ဆိုင်ကြုံတွေ့ရမည့် မည်သည့် ရန်သူကိုမဆို လွယ်လင့်တကူ ကန်ထုတ်ပစ်နိုင်၏။ နောက်ပိုင်း၌ ပေါ်လာသော စနစ်တစ်ခုမှာလည်း အင်စလေအား ပန်းခင်းလမ်းတစ်ခု ခင်းပေးဦးမည်ပင်။ ယင်း၏ အကူအညီနှင့်အတူ အင်စလေသည် အကောင်းဆုံး၊ အကြီးမြတ်ဆုံးနှင့် ထူးခြားအံ့ဩဖွယ်ရာ မာဖီးယားခေါင်းဆောင်တစ်ဦး ဖြစ်လာသည်။ အခြားမာဖီးယားခေါင်းဆောင်များ ဆေးလိပ်ခဲနေချိန် အင်စလေ၏ ပါးစပ်၌ ချောကလက်မုန့်ချောင်းတစ်ချောင်း ရှိလိမ့်မည်။ အခြားခေါင်းဆောင်များ ဝိုင်နီတစ်ခွက်ကို ဟန်ပါပါ ဝှေ့ယမ်းနေချိန် သူမ၏ နွားနို့ပူပူလေးကို တဟူးဟူး မှုတ်နေသည့် အင်စလေကို တွေ့ရမည်။ အခြားသူများ တိုက်ခိုက်မှုပြီးနောက် စတိုင်အပြည့်နှင့် သေနတ်ထိပ်ရှိ ယမ်းငွေ့အား မှုတ်လိုက်ချိန် အင်စလေ သေးခံလဲနေမည်။ မာဖီးယားလောကကို ကလေးတစ်ယောက်၏ တမူထူးခြားသော နှစ်လိုဖွယ်ကောင်းမှုနှင့် အုပ်စိုးမည့် ကလေးလေးအား စောင့်ကြည့်ကြည့်ပါ။ ၇ နှစ် ကြာပြီးနောက်။ ပါးနပ်မှုရှိသည့် ခေါင်းဆောင်ငယ်လေး: “အင်.. ငါ့ဇနီးလောင်း လုပ်ပါလား..” ကလေးငယ်ထက် ၅ နှစ်ပိုကြီးသော အဆိုပါကောင်လေးမှာ အကန့်အသတ်ထုတ် BL ခေါင်းအုံးစွပ်တစ်ခုကို လက်ဆောင်ပေးရင်းနှင့် ပြောသည်။ စနစ် : ဘေဘီရေ... ချက်ချင်းလက်ခံပြီး သူ့ပိုက်ဆံတွေကို ဝါးမြိုလိုက်... ဒီနှစ်ယောက်ကတော့...။ နင့်ကြီးတော်ကြီး ဇနီးလောင်း... ငါက ၁၀ နှစ်ပဲ ရှိသေးတာဟဲ့...။