ကောင်းကင်ဘုံကို မှောက်ခုံလှန်မယ်

"အရူးတွေကြားမှာ ငါက အရူးဆုံးပဲ... ငါ ထျန်ဖုန်းရှိနေသရွေ့တော့ မင်းတို့အတွက် ရူးသွပ်မှုတွေက အာမခံချက်ရှိပြီးသားပဲ…။" ကျင့်ကြံခြင်းကမ္ဘာထဲသို့ ဝိညာဉ်ကူးပြောင်းလာပြီးနောက် ထျန်ဖုန်းတစ်ယောက် စနစ်နှစ်ခုကို ပိုင်ဆိုင် ခွင့်ရရှိခဲ့၏။ သူသည် သေဆုံးသွားပါက ပြန်လည်ရှင်သန်နိုင်ရုံတင်မကဘဲ ပြဿနာရှာခြင်းနှင့် ထွက်ပြေးခြင်းတို့အတွက်ပါ ဆုလာဘ်များ ရရှိဦးမည်ဖြစ်သည်။ ထို့ကြောင့် ထျန်ဖုန်းသည် သူ၏ကိုယ်ကျင့်တရားများကို ဘေးဖယ်ကာ အောက်တန်းကျသော နည်းလမ်းများကို အစွမ်းကုန်အသုံးချရန် ဆုံးဖြတ်လိုက်တော့သည်။ တခြားသူများက ဂူများအတွင်း ရတနာရှာဖွေနေချိန်တွင် သူက ဂူဝမှနေ၍ ငရုတ်သီးမီးခိုးများ လွှတ် တတ်သလို၊ တန်ဖိုးကြီးဝိညာဉ်ရေကန်များထဲသို့လည်း ငရုတ်သီးများ ပစ်ထည့်တတ်သည်။ သူသည် ရန်သူများ၏ ဘိုးဘွားအုတ်ဂူများကိုပင် တူးဖော်ပြီး လေလံတင်ရောင်းချပစ်သည်အထိ အရှက်မဲ့သူဖြစ်သည်။ သူသည် သူတစ်ပါးကို အကွက်ဆင်၍ အပြစ်ပုံချရာတွင် ဆရာတစ်ဆူဖြစ်ပြီး၊ ပြဿနာရှာရန်အတွက် သီးသန့်အဖွဲ့အစည်းတစ်ခုကိုပင် တည်ထောင်ထားသည်။ ထိုနယ်မြေတွင် ရန်ဖြစ်ခြင်း သို့မဟုတ် ကလေးယူခြင်းအတွက်ပင် ခွင့်ပြုချက်လက်မှတ်နှင့် အခွန်အခများ လိုအပ်ပြီး၊ မလိုက်နာပါက အဖမ်းခံရကာ လေလံတင်ရောင်းချခြင်း ခံရမည်ဖြစ်သည်။ သူ၏ နာမည်ဆိုးသည် ကျင့်ကြံခြင်းကမ္ဘာတစ်ခုလုံးမှသည် တခြားသော နယ်ပယ်အသီးသီးအထိ ပြန့်နှံ့သွားတော့သည်။ "ကိုယ်ကျင့်သိက္ခာဆိုသည်ကို ဘေးဖယ်ထားလိုက်စမ်းပါ။ အောက်တန်းကျကျ နေထိုင်ရခြင်းရဲ့ အရသာကိုပဲ အပြည့်အဝ ခံစားလိုက်... ကိုယ်ကိုကိုယ် ထိန်းချုပ်ကန့်သတ်နေမယ့်အစား... ရူးရူးမိုက်မိုက်နဲ့ပဲ တွေ့သမျှ လူကို လိုက်ဂျင်းနေတာကမှ တကယ်အရသာ"