ရှေးခေတ်စစ်သူကြီးနဲ့ အွန်လိုင်းပေါ်မှာချစ်ကြိုက်မယ်

သူမ၏ ဖုန်းအသစ်လေးသည် အဆိပ်သင့်နေသော လက်တစ်စုံ၏ သားကောင်ဖြစ်ပြီးနောက် ဖုန့်ချင်းယီသည် စုတ်တီးစုတ်ပြတ် ဆယ့်ရှစ်လက်ကိုင် ယွမ်နှစ်ဆယ်တန်ဖုန်းကို လက်ခံရရှိခဲ့သည်။ မမျှော်လင့်ဘဲ အဆိုပါ ကျိုးပဲ့စုတ်ပြတ်နေသော သတ္တုတုံးလေးသည် သူမ၏ မျက်စိရှေ့တွင်ပင် အသွင်ပြောင်းသွားခဲ့ပြီး လျှို့ဝှက်ဆန်းကြယ်သော ကုန်တိုက်တစ်ခုကိုသာမက ခန့်ညားချောမောလှသော စစ်သူကြီးတစ်ဦးကိုပါ ရရှိစေခဲ့သည်။ ကုန်ပစ္စည်းများကို ဝယ်ယူရန် အမှတ်များ စုဆောင်းရန်အတွက် ဖုန့်ချင်းယီသည် ခန့်ညားချောမောသော အမျိုးသားနှင့် ဗီဒီယိုဖုန်းခေါ်မှုပြုလုပ်ရန်မှလွဲ၍ အခြားရွေးချယ်စရာမရှိခဲ့ပေ၊ ဟိုဟိုဒီဒီ စကားစမြည်ပြောဆိုရင်း သူမကိုယ်တိုင် မသိလိုက်ဘဲ သူ့ကမ္ဘာထဲ ချဉ်းနင်းဝင်ရောက်သွားခဲ့မိသည်။ ထျန်းချီ၏ နာမည်ကျော်စစ်သူကြီး ချင်ယွဲ့ချွမ်သည် စစ်ပွဲ၏ လက်ကျန် သေတ္တာလေးတစ်ခုကို မတော်တဆ ကောက်ရခဲ့မိသည်။ အဆိုပါ သေတ္တာလေးသည် ခရီးဝေးအသံပေးပို့ဆက်သွယ်ခြင်းနှင့် ဗီဒီယိုဖုန်းခေါ်ဆိုမှုများကို ခွင့်ပြုရုံသာမက နေရာလပ်ထဲမှ အရာဝတ္ထုများကိုပင် ပေးပို့နိုင်လေသည်။ သူနှင့် ဗီဒီယိုဖုန်းပြောပြီး လက်ဆောင်ပစ္စည်းတွေ ပို့ပေးတဲ့ အမျိုးသမီးက ရင်သပ်ရှုမောဖွယ် ချောမောလှပပြီး သူမတူထူးကဲစွာ အရည်အချင်းရှိရုံတင်မကဘဲ ထောက်ထားငဲ့ညှာတတ်သူလေးလည်း ဖြစ်၏။ ချင်ယွဲ့ချွမ်သည် သူမကို သူ့အိမ်ထဲခေါ်ဆောင်နိုင်ဖို့ နည်းလမ်းရှာရန် ဆုံးဖြတ်ချက်ချလိုက်ပါတော့သည်။