နတ်ဆိုးဂိုဏ်းကပါရမီရှင်

သခင်လေးပါးရိုက်ဇာတ်လမ်း၊ mcကို စော်တကာဝိုင်းကြိုက်တဲ့ဇာတ်လမ်း၊ side character တွေက mc ထက် IQ နိမ့်ပြီး ခဏလေးနဲ့ပျောက်သွားတဲ့ ဇာတ်လမ်းနဲ့ ပုံစံခွက်ထဲက ရှန်းရှတွေကို ရိုးအီနေပြီလား။ နတ်ဆိုးဂိုဏ်းက ပါရမီရှင် စာစဉ်ကို စမ်းဖတ်ကြည့်ပါ။ လုယန်ဆိုတဲ့သကောင့်သားက ကမ္ဘာကူးပြောင်းလာတဲ့အချိန်က နတ်ဆိုးဂိုဏ်းကို မူလခန္ဓာကိုယ်ပိုင်ရှင်က ရောင်းစားခံနေရတဲ့ အချိန်ငုတ်တုတ်ကြီးမှာ ရောက်လာတာပဲ။ ရောက်လာတဲ့လောကက သူဖတ်ဖူးတဲ့ဝတ္ထုလို ‌စွမ်းအား၊ မိန်းမလှနဲ့ ပျော်စရာတွေလို့ ထင်ခဲ့ပေမယ့် နိုး.. ကလေးအစ ခွေးအဆုံး ရက်စက် ကောက်ကျစ်၊ မိတ်ဆွေအစစ်၊ သူငယ်ချင်းဆိုတာမရှိပဲ၊ အချိန်မရွေးနောက်ကျောဓားထိုးခံ၊ ဂျင်းထည့်ခံ၊ အကွက်ချခံရတဲ့ အရမ်းရက်စက်တဲ့လောကကို ရောက်လာတာပဲ။ ထုံးစံအတိုင်း ဇာတ်လိုက်ဆိုတော့ cheat က ပါရမှာပေါ့။ သူ့cheat ကတော့ မတော်တဆဖြစ်လို့ သေမယ်ဆိုရင် သူ အချိန်စမှတ်ထားတဲ့ နေရာမှာပြန်ရှင်သန်နိုင်မယ်။ ပြီးတော့ သေသွားတဲ့ အချိန်တုန်းက သူ့ဆီမှာ ရှိခဲ့တဲ့ စွမ်းအား၊ ရတနာနဲ့ ကျင့်စဉ် တစ်ခုကို သူစမှတ်ထားတဲ့အတိတ်ကို ပြန်ယူလာနိုင်စွမ်းရှိတယ်။ ရယ်ရတာက ခဏခဏသေပြီး အနာဂတ်မှာ ဘာဖြစ်မလဲ၊ ဘယ်သူက ရန်သူလဲ၊ ဘယ်သူက ဘယ်လိုအကွက်ချတာလဲဆိုတာကို သိတာတောင်မှ သာမန် ဇာတ်ပို့တွေကအစ ဉာဏ်မတရားကောင်းနေလို့ အစီအစဉ်တွေကြိုသိတာတောင် သူတို့အကွက်ထဲမှာ ခဏခဏသေရတာပဲ။ စစချင်းမှာ ခေတ်သစ်ကမ္ဘာက လူဆိုတော့ ကျင့်ကြံခြင်းလောကရဲ့ ရက်စက်မှုကို နားမလည်လို့ ခဏခဏခံရတာပေါ့။ နောက်ကျတော့မှ သူကိုယ်တိုင်အထာနပ်လာပြီး သူ့မှာရှိရှိသမျှ အစွမ်းအကုန်သုံးပြီး အကုန်လုံးကို အကွက်ပြန်ချ၊ ဂျင်းပြန်ထည့်ပြီး ရှင်သန်ရတဲ့ စာစဉ်ပါ။ Deep မယ်၊ Dark မယ်၊ သာမန်ပျော်ရွှင်ကြည်နူးပြီး low stressနဲ့ ဖတ်ရတာကိုကြိုက်သူတွေ ဝေးဝေးရှောင်ပါ။