ငါတွေးနေတာကို ငါ့အတန်းဖော်တွေကြားနေရတယ်

ရှီလီသည် ဝတ္ထုဇာတ်လမ်းတစ်ခုထဲသို့ ကူးပြောင်း ဝင်ရောက်သွားခဲ့ကာ အမျိုးသားဇာတ်လိုက်အပေါ်ဝယ် ရူးသွပ် ဖောက်ပြန်မတတ် လွန်လွန်ကဲကဲ စွဲလန်း ချစ်ခင်နေသည့် ဆိုးယုတ်ရက်စက်သော အမျိုးသမီးဇာတ်ပို့ ဖြစ်လာခဲ့ကြောင်း သူမဘာသာ တွေ့ရှိခဲ့ရလေသည်။ အတန်းချိန်များ အတွင်းဝယ် သူမကား အကြံသမားနှယ်ပင် အမျိုးသား ဇာတ်ဆောင်အပေါ်ဝယ် မည်ကဲ့သို့ အနိုင်ယူရပါမည်နည်းဟု တွေးတောခဲ့သလို မူလဇာတ်ကြောင်းထဲမှ သူမ အတန်းဖော်များ၏ ကံကြမ္မာကိုတောင်မှ တစိမ့်စိမ့် ဆင်ခြင်နေခဲ့သေး၏။ (နောက်ရက် အနည်းငယ်အတွင်းမှာ ဥက္ကဌဝေ့ရဲ့ ကားမတော်တဆမှုရှိ လာလိမ့်မယ်ထင်တယ်) ရှီလီ၏ သိုဝှက်ထားသော အတွင်းစိတ် အတွေးကြောင့် အမျိုးသမီးငယ်လေးမှာ ရုတ်ခြည်းပင် မတ်တပ် ရပ်လိုက်လေသည်။ (ဒါပေမဲ့ ဥက္ကဌဝေ့ရဲ့ သေဆုံးမှု အပြီးနောက်မှာ သူ့ရဲ့ အမြှောင်မယားတွေနဲ့ တရားမဝင် ကလေးတွေက တံခါးဝကို ရောက်လာပြီး မိသားစုပိုင် စည်းစိမ်တွေရဲ့ ပမာဏ အများအပြားကို ရပိုင်ခွင့်အတွက် တောင်းဆိုကြလိမ့်မယ်) အမျိုးသမီးငယ်လေးခမျာ ကြော့ကြော့မော့မော့ပင် ပြန်ထိုင်လိုက်ရပါ၏။ နောက်ရက် အနည်းငယ်အတွင်းဝယ် ဥက္ကဌကြီးက ကားမတော်တဆမှုကြောင့် ဆုံးပါးသွားလေရာ သူ၏ နောက်ဆုံး ထွက်သက်ကလေးမှ မလွင့်ပြယ်မီပင် မဆိုင်းမတွ မီးသဂြိုဟ်ခံလိုက်ရတော့သည်။ သူတို့၏ တရားမဝင် ကလေးများကို ဦးဆောင်ကာ ရပိုင်ခွင့် တောင်းဆိုခြင်းဟူသည့် မုန်တိုင်းကြီးကိုအစပျိုးရန်အတွက် ထိုအမြှောင်မယားများ ရောက်ရှိလာချိန်ဝယ် သူတို့အတွက် ကျန်ရှိနေသည်ကတော့ လတ်ဆတ် ပူနွေးနေသေးသည့် အရိုးပြာအိုးပါပင်။ (ကျောင်းလူဆိုးလေးရဲ့ မရီးအသစ်လေးက သူ့အကိုနောက်က ကြီးမားပြင်းထန်တဲ့ ဘေးဒုက္ခကြီးထဲမှာ ပါနေပုံရတယ်) ထိုကျောင်းလူဆိုးလေးကတော့ ဂရုမစိုက်ဟန်ဖြင့် တွေးသည်။ ဘယ်လောက် ဆိုးဝါးဆိုးဝါး အံသြစရာတော့ မရှိပေါင်။ အဆိုးဆုံးကတော့ သူ့အကိုကို ပလီစိချောက်ချက်နဲ့ လိမ်ပြောလိုက်ရုံပဲဟာ။ (သူမက နယ်စပ်က လူကုန်ကူးတဲ့ ဂိုဏ်းမှာတောင် ပါဝင် ပတ်သက်နေဦးမယ်လို့ ငါတော့ထင်တာပဲ) ကျောင်းလူဆိုးလေး:!!!!!! ရဲတပ်ဖွဲ့သည်လည်း နိုင်ငံတကာ မှုခင်းအဖြစ် ဖြေရှင်းလိုက်ကာ ထိုကိစ္စရပ်အပေါ် ကျေးဇူးတင်လိုက်ပြီး ကျောင်းလူဆိုးလေးကတော့ သူ့မိသားစုထံမှ အသိအမှတ်ပြု ခံလိုက်ရလေသည်။ လူတိုင်းလူတိုင်းက ရှီလီကား Male Lead အပေါ် ရူးသွပ်မတတ် ချစ်ကျွမ်းဝင်နေသည်ဟု မှတ်ယူထားကြပေ၏။ ထိုပညာသင်နှစ်၏ ပါရမီရှင်ကလည်း သူမက Male Leadနှင့် ဆုံတွေ့နိုင်မည့် အခွင့်အရေးကို ဖန်တီးပေးခဲ့သေး၏။ ထိုသခင်မငယ်လေးကတောင်မှ ထိုMale Leadကို သူမအိပ်ရာပေါ်သို့ အရောက်ပို့ဆောင် လာခဲ့ပေသည်။ အမှန်တကယ်တော့ လူတချို့က မတူကွဲပြားသည့် နည်းလမ်းများဖြင့် ချဥ်းကပ်ခဲ့ကြသည်ပင်။ အတန်းခေါင်းဆောင်: ငါ့ဦးလေးငယ်ဆိုရင်ရော မင်းဘယ်လိုထင်လဲ။ အခြားလူများသည်လည်း ထိုစကားကိုကြားသော် တဟုန်ထိုး ပြေးလာကြပါ၏: မင်းရူးနေလား၊ မင်းဘာတွေလုပ်ဖို့ကြိုးစားနေတာလဲ။ ထိုနည်းနိသယအတိုင်းတစိုက်မတ်မတ်လိုက်လေသော် “မင်းသာသူတို့ကိုမရိုက်နိုင်ရင် သူတို့နဲ့ပူးပေါင်းလိုက်” အခြားအတန်းဖော်များ:ဒါက အရပ်အမြင့် ခြောက်ပေသုံးလက်မရှိတဲ့ ငါ့ရဲ့အားကစားသမား အစ်ကိုငယ်နော်၊ ပြီးတော့ အဲဒါက..........