ရှောင်လင်ကျောင်းမှသိုင်းဗေဒါ

ခရမ်းရောင်သွေးလဂိုဏ်းရဲ့ ကျရှုံးမှု ဒါမှမဟုတ် ကျုံဟွာတောင် သွေးချောင်းစီးတိုက်ပွဲကြီး အပြီးမှာ အဖြူအနက်သိုင်းလောကနှစ်ခုစလုံး အားနည်းသွားခဲ့ပါတယ်။ ဒါပေမဲ့ အနက်ရောင်သိုင်းလောကသားတွေရဲ့ ဆုံးရှုံးမှုက ပိုများပြီးတော့ အဖြူရောင်သိုင်းလောကသားတွေက သိုင်းမဟာမိတ်ဆိုတဲ့ အဖွဲ့အစည်းကို ဖွဲ့စည်းပြီး အနက်ရောင်သိုင်းသမားတွေကို ပြင်းပြင်းထန်ထန် ဖိနှိပ်ခဲ့ကြတယ်။ ဂိုဏ်းကြီးခြောက်ဂိုဏ်းကလည်း အမှောင်ခေတ်က ဆုံးရှုံးမှုတွေအတွက် အားအင်ဖြည့်တင်းနေချိန် ဖြစ်လို့ သူတို့ကိုတားဆီးမဲ့လူ မရှိဘဲ ဖြစ်နေတာပေါ့။ ဖိနှိပ်မှုကို ငြိမ်မခံနိုင်တဲ့ အနက်ရောင်သိုင်းသမားတွေကလည်း နှစ်အနည်းငယ်အတွင်းမှာ မိစ္ဆာဝိညာဉ်ဆိုတဲ့ အဖွဲ့အစည်းတစ်ခုကို ဖွဲ့စည်းပြီး သိုင်းမဟာမိတ်ကို တန်ပြန်ဆန့်ကျင်ခဲ့တဲ့အခါ....။ ဒီလိုမျိုး အဖြူအနက်‌သိုင်းလောကနှစ်ခုရဲ့ မကျေလည်မှုတွေ၊ တိုက်ပွဲတွေကြားမှာ ကြောက်စရာကောင်းလှတဲ့ သိုင်းပညာရှင်တစ်ယောက်ရဲ့ လျှို့ဝှက်အင်အားစုတစ်ခုကလည်း တိတ်တဆိတ် ကြီးထွားလို့လာပါတော့တယ်။ နှင်းငွေ့မိစ္ဆာသခင်ရဲ့‌‌ သေဆုံးမှုကို လက်စားချေဖို့ အမှောင်ကျေးရွာကလူတွေကလည်း သိုင်းလောကကို အချိန်မရွေး ဆင်းလာနိုင်သလို နဂါးနန်းတော်ရဲ့ သခင်မလေးကို သိုင်းလောကသားတွေက အထင်လွဲပြီး လိုက်လံသတ်ဖြတ်ခဲ့ကြတဲ့နောက်... ။ တစ်ဖန် နှစ်ရာနဲ့ချီပြီး ဇာတ်မြှုပ်နေတဲ့ နောက်ထပ်ဒဏ္ဍာရီလာ အင်အားစုကြီးတစ်ခုကလည်း သိုင်းလောကကို ခြေချလာခဲ့ပြန်တယ်။ ပထမဓားသခင် သိုင်းလောကထဲမှာ မရှိတော့သလို ကျုံဟွာတောင်တိုက်ပွဲမှာ ပါခဲ့တဲ့ သိုင်းပညာရှင်အများစု အနားယူကုန်ကြတော့ သူတို့ကို ဟန့်တားမဲ့လူ ရှိနိုင်ပါ့မလား...။ သိပ်မကြာခင်မှာ ရောက်လာတော့မယ့် သိုင်းလောကရဲ့ သွေးချောင်းစီးဖြစ်ရပ်တွေကို တားဆီးနိုင်မယ်လို့ ဟောကိန်းထုတ်ခံထားရတဲ့ ကောင်လေးကလည်း မွေးရာပါ သွေးကြောအားနည်းတဲ့ ရောဂါကြောင့် သိုင်းပညာ လုံးဝမလေ့ကျင့်နိုင်ဘဲ ရှိနေပြန်တယ်...။ ရှောင်လင်ကျောင်းမှ သိုင်းဗေဒါဆိုတဲ့ နာမည်အတိုင်း အဲဒီကောင်လေးက ရှောင်လင်ကျောင်းတော်ကို သွားရောက်ဖို့ကံကြမ္မာဖန်လာတဲ့အခါမှာတော့...။ စာစဉ်က အထီးကျန်ဓား၏သိုင်းပုံပြင် ပြီးတဲ့ နောက်ထပ်အချိန်တွေကို ဇာတ်အိမ်တည်ထားပါတယ်။