သတ်ဖြတ်သူလမ်းစဉ်

ချင်မင်းဆက်၏ ရာစုနှစ်၈ခုအတွင်း လောကအနှံ့တွင် မိစ္ဆာမျာနှင့် မကောင်းဆိုးဝါးများ ပြည့်နှက်နေသည်။ ချုရွှမ်သည် နတ်တိုးနှိမ်နှင်းရေးဌာန၏ အဆင့် ၉ အရာရှိတစ်ဦးဖြစ်ကာ တောက်ပသော အနာဂတ်ကို ပိုင်ဆိုင်ထားသူလည်းဖြစ်သည်။ တစ်နေ့တွင် လမ်းမပေါ်၌ မတရားမှုတစ်ခုကို မျက်မြင်တွေ့ခဲ့ကာ လက်ဝဲအမတ်ချုပ်၏ သားကို ရိုက်နှက်ခဲ့သည့်အတွက် ဖမ်းဆီးအကျဉ်းချခြင်းခံရကာ ကွပ်မျက်ခြင်း ခံခဲ့ရသည်။ သို့သော် ကံကောင်းထောက်မစွာဖြင့် ကောင်းကင်ဘုံအကျဉ်းထောင်၏ ကွပ်မျက်သူတစ်ဦး ဖြစ်လာပြီး ကောင်းကင်ဘုံကွပ်မျက်သူ အဖြစ် သတ်မှတ်ခြင်းခံရသည်။ ထိုနေ့မှစ၍ သူသည် ကောင်းကင်ဘုံကိုယ်စား အပြစ်သားများကို ကွပ်မျက်ခြင်းတာဝန်ကို ထမ်းဆောင်ခဲ့၏။ ကောင်းကင်လမ်းစဉ်ကို ဆန့်ကျင်သူတိုင်း ကွပ်မျက်ခံရမည်။ စည်းမျဉ်းနိယာမများကို မလေးစားသူများကိုလည်း ခွင့်လွှတ်ပေး၍ မရသည့်အတွက် ကွပ်မျက်ခံရသင့်သည်။ ကောင်းမှုနှင့် မကောင်းမှုကြား ဝေခွဲမရဖြစ်နေသူများလည်း ကွပ်မျက်ခံမည်။ ကံကြမ္မာဆန့်ကျင်သူတိုင်းများမှာလည်း အပြစ်သားများဖြစ်သည့်အတွက် ကွပ်မျက်ခြင်းမှ မလွတ်မြောက်နိုင်ပေ။ 'ဘယ်လို၊ မိစ္ဆာတွေကို နှိမ်နှင်းတာက ငါ့ရဲ့ ကျင့်ကြံခြင်းအဆင့်ကို တိုးလာစေမှာလား၊ မိစ္ဆာတွေကို သတ်တာကလည်း ငါ့ရဲ့ ကျွမ်းကျင်မှုတွေကို တိုးလာစေမှာပေါ့' 'တစ္ဆေတွေကို သတ်လိုက်ရုံနဲ့ ငါ့ရဲ့ ရုပ်ခန္ဓာ ကြံ့ခိုင်မှုက တိုးလာမယ် ဟုတ်လား၊ မကောင်းဆိုးဝါးတွေကို သတ်လိုက်ရင်တော့ ဉာဏ်အလင်းပွင့်နိုင်တယ်လို့ ပြောလိုက်တာလား' ထိုအချိန်မှစ၍ မိစ္ဆာများကို နှိမ်နှင်းကာ မကောင်းဆိုးဝါးများကို သတ်ဖြတ်၍ အင်မော်တယ်များနှင့် နတ်ဘုရားများကို ကွပ်မျက်တော့မည့် ကွပ်မျက်သူတစ်ယောက် ပေါ်ထွက်လာပြီး သူ၏ စွမ်းအားမှာ ထာဝရတည်တံ့သွားတော့သည်။