နတ်ဘုရားဇနီးသည်နှင့် လူသားကျွန်တော်

လျူယွမ်သည် သိုင်းလောကကမ္ဘာသို့ ကူးပြောင်းလာခဲ့ပြီးနောက် ချောမောလှပသည့် ဇနီးသည်တစ်ဦးနှင့် လက်ထပ်ခဲ့သည်။ သို့သော်လည်း သားသမီးရတနာရရှိရန် သုံးနှစ်တိုင်တိုင် ကြိုးပန်းခဲ့သော်လည်း သူ၏ဇနီးသည်တွင် ကိုယ်ဝန်မရရှိခဲ့ချေ။ ​ပတ်ဝန်းကျင်မှ အိမ်နီးနားချင်းများကလည်း သူ့၌ အစွမ်းအစမရှိဟု ထင်မှတ်ကာ ဝိုင်းဝန်းလှောင်ပြောင်ခဲ့ကြသည်။ ​ သို့သော် လက်တွေ့တွင်မူ... သူ၏ဇနီးသည်မှာ အလွန်အမင်း အစွမ်းထက်လွန်းလှသည့် နတ်ဘုရားတစ်ပါး ဖြစ်နေသောကြောင့်ပင်။ ထို့ကြောင့် သာမန်လူသားတစ်ဦးနှင့် မျိုးရိုးဗီဇချင်း ကွာခြားနေခဲ့ခြင်း ဖြစ်သည်။ ​လျူယွမ်ကတော့ ယင်းကို ကောင်းသောအချက်ဟုပင် တွေးတောနေခဲ့သည်။ အကြောင်းမှာ ကလေးနို့မှုန့်ဖိုး သက်သာသွား၍ပင် ဖြစ်သည်။ ​ သို့သော်လည်း သူ၏ မျိုးရိုးဗီဇများက စတင်ပြီး ဆင့်ကဲပြောင်းလဲလာခဲ့တော့သည်...။ ​ [ရှင်သန်ခြင်းနှင့် မျိုးဆက်ပြန့်ပွားခြင်းအတွက် ငါတို့သည် ဘာမဆို လုပ်ဆောင်သွားမည်] ​[ငါတို့ထဲက တစ်ယောက် သေဆုံးသွားပါစေဦးတော့... ငါတို့လို လူသားတွေ ကုဋေကုဋာ ရှိနေသေးသည်။ ငါတို့၏ ဘိုးဘေးများသည် ခေတ်ကြီးလေးခေတ်တိုင်အောင် ရှင်သန်ကျော်ဖြတ်လာခဲ့ကြရာ ငါတို့အနေနဲ့ ဤနေရာတွင်တော့ လဲပြို၍မဖြစ်ပေ] [​ငါတို့သည် သံမဏိကဲ့သို့ မာကျောသော စိတ်ဓာတ်တို့ဖြင့် အခက်အခဲအားလုံးကို သေချာပေါက် ကျော်လွှားနိုင်ပေလိမ့်မည်] ​[အဆုံးမဲ့သော သက်ရှိတို့၏ ပဲ့တင်သံကို ငါ ကြားနေရပြီ] နောက်နေ့မနက်တွင်..... ​“ယောင်္ကျား... ကျွန်မမှာ ကိုယ်ဝန်ရှိနေပြီ ထင်တယ်” ဘာသာပြန်သူ၏မှတ်ချက်။ ။ ပေါ့ပေါ့ပါးပါးနဲ့ ဟာသရောနှောထားတဲ့ Many Children, Many blessings ပုံစံမျိုးပါပဲ။ မတူတာကတော့ Mc က မင်းသမီးတစ်ယောက်တည်းကိုပဲ စွဲစွဲမြဲမြဲချစ်ပြီး သူ့တစ်ယောက်တည်းပဲ မျက်လုံးထဲ ရှိတဲ့ ပုံစံမျိုးပါ။