နတ်မျက်စိရှင်

လုချင်းတစ်ယောက် နာမည်မရှိတဲ့ တောင်‌ပေါ်က ကျေးရွာလေးတစ်ခုမှာ ဆင်းရဲတဲ့လူငယ်လေးအဖြစ် ပြန်လည်မွေးဖွားလာခဲ့သည့်အတွက် စိတ်ပျက်အားငယ်နေခဲ့ရသည်။ သို့ပေမဲ့ ကံကောင်းစွာဖြင့် အရာဝတ္ထုများ၏ အချက်အလက်တွေကို မြင်နိုင်တဲ့ စွမ်းရည်တစ်ခုကို သူပိုင်ဆိုင်ခဲ့သည့်အတွက် အသက်ရှင်သန်နိုင်ရန် အခွင့်အရေးတစ်ခုတော့ ရခဲ့သည်။ လမ်းဘေးမှာ အလေ့ထပေါက်နေသည့် မြက်ခင်းတစ်ခုကို သူ ကြည့်လိုက်သည့်အခါ 【နွားအရိုးမြက်၊ ပုံမှန်အရည်အသွေး၊ ဆေးဖက်ဝင်၊ အရိုးဒဏ်ရာတွေကို ကုသရာ၌ အတော်လေး ထိရောက်သည်】 မြစ်ထဲက ငါးရံ့နီတစ်ကောင်ကို သူ ကြည့်လိုက်သည့်အခါ [ငါးရံ့နီ အကောင်းဆုံးအရည်အသွေး၊ အသားမှာ အရမ်းအရသာရှိပြီး အဆင့်မြင့်ဆေးဖက်ဝင် အားဖြည့်စာတစ်ခုဖြစ်သည်] တောထဲက ယုန်တစ်ကောင်ကို သူ ကြည့်လိုက်သည့်အခါ 【မီးခိုးရောင်ယုန်၊ သာမန်တောယုန်၊ စားလို့ရသည် ... သူ့ရဲ့ မွေးရာပါစွမ်းရည်ကို အားကိုးပြီး လုချင်းတစ်ယောက် ရွာထဲမှာ တဖြည်းဖြည်း အခြေခိုင်အောင်လုပ်ကာ အသက်ရှင်သန်နိုင်ခဲ့သည်။ သူ့ရဲ့ဘဝကို ဒီလိုစွမ်းအား နိမ့်ကျတဲ့ ရှေးခေတ်ကမ္ဘာမှာ အေးအေးချမ်းချမ်း ဖြတ်သန်းရတော့မယ်လို့ တွေးလိုက်ချိန်မှာပဲ တစ်နေ့၌ ရုတ်တရက် ကောင်းကင်ယံမှာ ပျံသန်းနေသည့် လူတစ်ယောက်ကို သူ တွေ့လိုက်ရပါတော့သည်။