တုနှိုင်းမဲ့သားရဲထိန်းသခင်

(မသေမျိးကျင့်ကြံခြင်းစနစ် ကုဒ်ဖြေနေပါတယ်....ဒေတာဖိုင် မှားယွင်းပါတယ်... နောက်တစ်ကြိမ် ကုဒ်ဖြေလိုပါသလား) “အင်း” “ကုဒ်ဖြေတာ အောင််မြင်ပါတယ်...မသေမျိုးကျင့်ကြံခြင်းစနစ်ကို နာမည်ပြန်ပေးနေပါတယ်) “သားရဲထိန်းစနစ် အသင့်ဖြစ်ပါပြီ” ကောင်လေး အံ့ဩသွားသည်။ ဤလောကသည် မသေမျိုးကျင့်ကြံမှုလောက ဖြစ်သည်။ သားရဲထိန်းစနစ် ဘယ်လိုရောက်လာသည်မသိ။ “တိန်” (မစ်ရှင် - ထိပ်သီးပါရာမောင့်) (စနစ်စစ်ဆေးချက်၊ လက်ရှိလောကမှာ သင်ဟာ အသန်မာဆုံးသားရဲထိန်းဖြစ်လာပါပြီ။ ဆုလာဒ် ထုတ်ပေးနေပါတယ်) (ဝိညာဉ်တစ်သောင်း ထိပ်သီးခန္ဓာ) (ရှင်းလင်းချက်၊ သင်ဟာ မသေမျိုးဝိညာဉ်ရင်းမြစ် ဝိညာဉ်တစ်သောင်းထိပ်သီးခန္ဓာပိုင်ရှင် ဖြစ်လာပါပြီ။ သင့်ရဲ့ သွေးတစ်စက်ချင်း၊ ဆံပင်တစ်ချောင်းချင်းစီဟာ မသေမျိုးအဖြစ်ကိုရဖို့ အတားအဆီးအားလုံး ချိုးဖျက်ပြီး ထာဝရရှင်သန်ခြင်းနှင့် အနန္တစွမ်းအားရနိုင်မယ့်အလားအလာ ရှိနေပါပြီ) မှင်သက်မိနေသည့်ကောင်လေး တစ်ကိုယ်လုံးတုန်သွားပြီး ပြန်အသိဝင်လာသည်။ လောဘရိပ်အပြည့်ဖြင့် သူ့ကိုစိုက်ကြည့်နေသည့် မျက်လုံးပေါင်းတစ်ဒါဇင်ကျော်ကို သူမြင်လိုက်ရသည်။ သူ့ခြံထဲမှ အိမ်မွေးတိရစ္ဆာန်များပင်ဖြစ်သည်။ လူဝင်စားဖုန်ချင်အန်း။ အတိတ်မှတ်ဉာဏ်ပြန်ရထားသော်လည်း သာမန်ဆယ်ကျော်သက်တစ်ယောက်။ သူတောင့်တသည်က မသေမျိုးကျင့်ကြံမှုလမ်းစဉ်။ ရလာသည်က သားရဲထိန်းစနစ်။ မကြိုက်။ မကြိုက်သော်လည်း ရွေးစရာမရှိ။ ရှိသည့်စနစ်ကိုသာ သူလေ့ကျင့်ရသည်။ အိမ်တွင် မွေးထားသည့် တိရစ္ဆာန်များဖြင့် မကျွမ်းကျင်သေးသည့် သားရဲအသွင်ပြောင်း နည်းလမ်းများစမ်းကြည့်သည်။ သူ့မိခင်တုတ်ချက်မိသည်။သို့သော် သူဇွဲမလျှော့။ အနာဂတ်မှာ ထိုစနစ်နှင့်အတူ သူဘယ်လောက် စွမ်းအားကြီးလာမလဲ။ ဘယ်လို အလွဲအချော်တွေ ကြုံရဦးမလဲ။ ဘယ်လို အခက်အခဲတွေ ကြုံရဦးမလဲ။