သေမင်းတမန်အရုပ်ဂိမ်း ကစားကြရအောင်လား

ကမ္ဘာကြီးဟာ ဂိမ်းကစားပွဲတစ်ခုဖြစ်လာသည့်အခါ လူသားများသည် တစ်ယောက်ပြီးတစ်ယောက် အရုပ်များအဖြစ်သို့ ပြောင်းလဲလာကြသည်။ အစပိုင်းတွင်တော့ ပိုင်ယို့ဝေသည် ထိုအရာဟာ ဂြိုလ်သားများ၏ နောက်ပြောင်ကျီစယ်မှုဖြစ်လိမ့်မည်ဟု ထင်ခဲ့သည်။ သို့သော် ထိုအတွေးမှာ သူမကိုယ်တိုင် အလင်းဝဲဂယက်တစ်ခုထဲသို့ စုပ်ယူခံရကာ နားထဲသို့ ကြည်လင်ပြတ်သားသော စက်ရုပ်ကဲ့သို့သောအသံများ ဝင်မလာခင်အချိန်အထိသာ...။ *ဒင်* သေမင်းတမန်အရုပ်ကစားပွဲမှ ကြိုဆိုပါတယ်။ စည်းမျဉ်းများမှာ အောက်ပါအတိုင်းဖြစ်ပါတယ်။ ၁။ ဤဂိမ်းကို ကစားရန် ငြင်းပယ်ပါက အရုပ်တစ်ရုပ်အဖြစ် ပြောင်းလဲသွားပါမည်။ ၂။ ကစားပွဲကို ရှုံးနိမ့်ပါက အရုပ်တစ်ရုပ်အဖြစ် ပြောင်းလဲသွားပါမည်။ ၃။ ကစားပွဲနိုင်လျှင် ဆုရရှိပါမည်။ ပိုင်ယို့ဝေသည် ကြောက်ကြောက်လန့်လန့်နှင့် ရှန်မို၏ရင်ခွင်ထဲသို့ ခုန်ဝင်သွားတော့သည်။ “ကျွန်မ ကြောက်တယ်။ ကျွန်မက လက်မှာ ကြွက်သားနည်းနည်းလေးတောင် မရှိတဲ့ အားနည်းတဲ့မိန်းကလေးပါ” ထိုအခါ ရှန်မိုသည် သူမ၏လက်ကလေးကို ယူကာ သူ၏ဝမ်းဗိုက်ကြွက်သားပေါ်သို့ တင်ပေးလိုက်သည်။ “အခုရှိသွားပြီ” ဂိမ်းစနစ် : “သတိပေးချက်! သတိပေးချက် ! ဂိမ်းကို လေးစားပါ။ ပြိုင်ပွဲကို နိုင်အောင်လုပ်ပါ။ ဒီနေရာမှာ ချစ်မှုရေးရာတွေကို အာရုံမစိုက်ပါနဲ့”