ဒီအလှလေးက လက်ဆပြင်းလွန်းတယ်

ထိပ်တန်းကျွမ်းကျင်သူရှဲ့လီသည် သူဖတ်လက်စ သမိုင်းနောက်ခံအချစ်ဇာတ်လမ်းတစ်ပုဒ်ထဲရှိ နူးညံ့သိမ်မွေ့သောအလှလေးတစ်ဦး၏ ခန္ဓာကိုယ်ထဲသို့ ကူးပြောင်းရောက်ရှိသွားခဲ့သည်။ သူမမှာ သမီးအတုဖြစ်သူမှ ကံကောင်းခြင်းများလုယူသွားခြင်းခံလိုက်ရသည့် အသုံးမဝင်သော စာရေးသူ၏ဇာတ်ကောင်ဖြစ်နေသည်။ မိဘများမှာ သမီးအတုကိုသာချစ်ကြပြီး ခင်ပွန်းဖြစ်သူကလည်း ထိုသမီးအတုကိုသာချစ်မြတ်နိုးကာ ဤလောကရှိလူတိုင်းမှာ ထိုသမီးအတုကိုသာ အလေးပေးကြ၏။ ယောက္ခမများမှ နှိပ်စက်သည်။ ခင်ပွန်းသည်မှာ သစ္စာဖောက်၏။ မိဘများမှာလည်း သူမကိုအကွက်ဆင်ကြသည်။ ရှဲ့လီသည် မူလပိုင်ရှင်၏နူးညံ့သိမ်မွေ့သောဟန်ပန်ကို စွန့်လွှတ်လိုက်ပြီး လက်သီးချက်များဖြင့် အာဏာသိမ်းအနိုင်ယူပစ်လိုက်၏။ သူမသည် ယောက္ခမဖြစ်သူကို ငိုကြွေးစေခဲ့ပြီး အသုံးမကျသောခင်ပွန်းဖြစ်သူကို အရေးပေါ်ဌာနသို့ ပို့ဆောင်စေလိုက်ကာ ယောက္ခထီးကိုလည်း ပါးစပ်မှအမြုပ်များထွက်သည်ထိ ဒေါသထွက်စေခဲ့သည်။ အသုံးမကျသောဖခင်ဖြစ်သူမှာ ငွေများလာပေးရပြီး မိခင်ဖြစ်သူမှာလည်း ငိုယိုကာ ခွင့်လွှတ်ပေးရန် တောင်းပန်နေရ၏။ အားလုံးထွက်သွားကြစမ်းပါ ရှဲ့လီသည် ချက်ချင်းပင်တိုင်တန်းစာတင်လိုက်ပြီး သူတို့အားလုံးကို အလုပ်ကြမ်းများလုပ်ရသည့် အလုပ်ကြမ်းစခန်းသို့ ပို့ဆောင်လိုက်သည်။ ထို့နောက် လျောင်နင်စီရင်စုသို့သွားမည့် သင်္ဘောပေါ်သို့ တက်လိုက်၏။ ၎င်းမှာ သူမအဘိုးချန်ရစ်ခဲ့သော နောက်ဆုံးနည်းလမ်းဖြစ်ပြီး ရှန်ဟွိုက်နဥ်နှင့်လက်ထပ်ကာ စစ်တပ်ထဲသို့ လိုက်သွားရန်ဖြစ်သည်။ ရှန်ဟွိုက်နဥ် သူမကိုပထမဆုံးတွေ့ချိန်တွင် သူမမှာ ပန်းရောင်ပန်းပွင့်များပါသော အင်္ကျီအနီကိုဝတ်ဆင်ထားပြီး ရေများစိုရွဲနေကာ အလွန်တရာစိတ်မကောင်းစရာကောင်းသော အခြေအနေတွင်ရှိနေခဲ့၏။ သူသည် သူ့ဇနီးလေးမှာ အလွန်တရာနူးညံ့ပြီး ကျိုးပဲ့လွယ်သည်ဟုခံစားရသဖြင့် အနာဂတ်တွင် သူမကို ကောင်းမွန်စွာ ကာကွယ်ပေးရမည်ဟုတွေးမိကာ အခြားသူများမှ သူမအားအနိုင်မကျင့်စေရဟု စိတ်ပိုင်းဖြတ်လိုက်သည်။ တစ်နေ့တွင်မူ နူးညံ့လှသော သူ့ဇနီးလေးမှာ စစ်တပ်၏လူနေရပ်ကွက်တစ်ခုလုံးကို လက်သီးချက်များဖြင့် ဖြိုခွင်းလိုက်တော့၏။ လူများမှာ ငိုယို၍လာရောက်တိုင်တန်းကြသည်။ သူ ဒေါသထွက်သွားရ၏။ "မင်းတို့က ဘယ်ထိဇာချဲ့ချင်နေကြတာလဲ၊ ငါ့ရဲ့နူးညံ့တဲ့ရှောင်လီလေး လူကိုထထိုးတဲ့အထိ စိတ်တိုအောင်တွန်းပို့ခဲ့တာပဲမလား" လူများ - အတည်ကြီးလားဟ