ထာဝရသိုင်းတာအိုအရှင်

မွေးရာပါ မျိုးရိုးဗီဇချို့ယွင်းမှုကြောင့် အသက်ရှင်ဖို့ သုံးနှစ်သာ ကျန်တော့တဲ့ လင်းဖုန်းဟာ ကံအားလျော်စွာ ထူးဆန်းတဲ့ သတ္တုလုံးနှင့် ပေါင်းစပ်မိပြီး မျိုးရိုးဗီဇပေါင်းစပ်နိုင်စွမ်းကို ရရှိပိုင်ဆိုင်သွားတဲ့အခါ..။ လင်းဖုန်းအနေနဲ့ မျိုးရိုးဗီဇကန့်သတ်ချက်ကို ချိုးဖြတ်ပြီး သူ့ရဲ့ရောဂါကို ကုသနိုင်ပါ့မလား။ ....…..……… အလွန်တရာအန္တရာယ်များသော ခေတ်ကာလတစ်ခုတွင် ‌ဖြစ်၏။ ကမ္ဘာပေါ်ရှိ နေထိုင်ရာနယ်မြေ ၉၀ ရာခိုင်နှုန်းကို ပြင်ပနယ်‌မြေမှ ကြောက်မက်ဖွယ်ရာ သားရဲများစွာက သိမ်းပိုက်စိုးမိုးထားကြပြီး လူသားတို့ကမူ သေးငယ်ကျဉ်းမြောင်းသောနယ်မြေလေးအတွင်း၌သာ ခက်ခက်ခဲခဲ ရှင်သန်နေထိုင်ကြရသည်။ ကံကောင်းထောက်မစွာပင် ရှင်သန်ကျန်ရစ်သော လူသားတချို့က မျိုးရိုးဗီဇ သိုင်းပညာများကို နိုးထလာနိုင်စေခဲ့ကြသည်။ မိမိတို့၏ မျိုးရိုးဗီဇကန့်သတ်ချက်များကို ချိုးဖျက်ခြင်းသည်ကား သိုင်းတာအိုကျင့်ကြံခြင်း၏ အခြေခံအုတ်မြစ်ပင်တည်း။ မွေးရာပါရောဂါအခံရှိသူ လင်းဖုန်းအဖို့မှာမူ ထိုကဲ့သို့ အကန့်အသတ်များကို ချိုးဖြတ်ကျော်လွန်နိုင်စွမ်း မရှိခဲ့ပေ။ သို့သော်လည်း ထူးခြားဆန်းကြယ်သော ကံကြမ္မာအလှည့်အပြောင်းတစ်ခုကြောင့် လင်းဖုန်းတစ်ယောက် မျိုးရိုးဗီဇများကို ပေါင်းစပ်နိုင်သည့်စွမ်းရည်တစ်ခုကို အမှတ်မထင်ရရှိခဲ့လေ၏။ [နွားရိုင်းမျိုးရိုးဗီဇ ပေါင်းစပ်မှု အောင်မြင်သည်။ မျိုးရိုးဗီဇခွန်အား တိုးပွားလာပါပြီ။] [ဗီဇပြောင်း မြေနဂါးမျိုးရိုးဗီဇ ပေါင်းစပ်ပြီး။ မြေနဂါးအကြေးခွံစွမ်းရည် ပွင့်သွားပါပြီ] [ဧရာမဂြိုဟ်သားရဲမျိုးရိုးဗီဇ ပေါင်းစပ်ပြီး။ ပြင်ပဟင်းလင်းပြင်တွင် ရှင်သန်နိုင်စွမ်း ပွင့်သွားပါပြီ] ဤသို့ဖြင့် လင်းဖုန်းသည် မျိုးရိုးဗီဇကန့်သတ်ချက်များကို ချိုးဖျက်ပြီး သိုင်းတာအိုကို ကျင့်ကြံကာ စကြဝဠာတစ်ခုလုံးတွင် စွမ်းအားအကြီးဆုံး ပုဂ္ဂိုလ်တစ်ဦး ဖြစ်လာခဲ့လေတော့သတည်း။