နတ်ဘုရားရွာသူကြီး

ယန်ချန်...။ သူကား ကူးပြောင်းလာသူတစ်ယောက်...။ သူနှင့်အတူ စနစ်တစ်ခု ပါလာခဲ့သော်လည်း ထိုစနစ်က ပါရမီရှင်များကို နင်းချေ ကျော်လွှားစေသည့် မည်သည့် အကူညီကိုမှ မပေးခဲ့ဘဲ အသုံးမဝင်သည့် ပညာရပ်များကိုသာ သင်ကြားပေးခဲ့သည်။ စနစ်ထွက်ခွာသွားချိန်မှာတော့ ကျင့်ကြံသူ ဖြစ်လိုသည့် ယန်ချန်ရဲ့ ဆန္ဒကို ဖြည့်ဆည်းရန် ဆုံးဖြတ်ချက်တစ်ခု ချပေးခဲ့လေသည်။ ထိုအရာကား.. သေမျိုးအဖြစ် နှစ်တစ်ရာ နေထိုင်ရန် ဖြစ်ပြီး တစ်စုံတစ်ယောက်၏ သတ်ဖြတ်ခြင်း ဒါမှမဟုတ် ရောဂါတစ်ခုခုဖြင့် သေဆုံးပါက ထာဝရပျောက်ကွယ်သွားရမည်ဟု ဆိုသွားခဲ့သည်။ ဆိုတော့ သေမျိုးတစ်ယောက်ကို သေမျိုးဘဝ ဖြတ်သန်းခိုင်းတာလား ဘာခက်မှာလဲ...။ ယန်ချန်ရဲ့ ဘဝအစ ရွာငယ်လေးတစ်ခု မုဆိုးမသားအမိနဲ့အတူ ဖြတ်သန်းခဲ့ပြီး မိစ္ဆာသွေးမျိုးဆက် နိုးထလာသည့် သားရဲကပ်ဘေးများ ကြမ်းတမ်းတဲ့ ကျင့်ကြံသူများကြား ဘယ်လိုဖြတ်သန်းမလဲ ဆိုတာကိုတော့...။ ကျင်းဧကရာဇ်: အရှင်ယန်ရဲ့ ရွာမှာ မြေကွက်လေးတစ်ခုလောက် ရနိုင်မလား...။ ကျောက်စိမ်းဧကရီ: ကျောက်စိမ်းနန်းတော်တစ်ခုလုံးနဲ့တောင် ငါသူ့ကိုမလဲနိုင်ဘူး...။ မိစ္ဆာဘုရင်ကြီး: အရှင့်ရဲ့ ရွာငယ်လေးထဲမှာ သာမန်လယ်သမားလေး ဖြစ်ချင်ပါတယ်...။ ကျင့်ကြံသူများ... အင်မော်တယ်များ... နတ်ဘုရားများ... ထိုသို့ ထိတ်ထိတ်ကြဲ လူပုဂ္ဂိုလ်များက ယန်ချန်ရဲ့ ရွာလေး၌ နေထိုင်ခွင့်ရရန် သုံးနှစ်သုံးမိုး ဒူးထောက်နေကြရသည်ဆိုလျှင် မိတ်ဆွေယုံမလား...။ ထိုအရာအားလုံး မှန်မမှန်ကတော့ ဒီစာစဥ်ထဲ ဖတ်ရှုရတော့မှာပါ...။